18.12.2025 | 19:51
Օպերատիվ տեղեկություններ ունենք. ոստիկանապետը` մեծաթիվ ոստիկանների ներկայության մասին. ՏԵՍԱՆՅՈՒԹ
Եվրահանձնաժողովը որոշել է, որ ռուսական գազի դիմաց ռուբլով վճարումը կլինի պատժամիջոցների խախտում
Քաղաքականություն
14.04.2022 | 15:09
Եվրահանձնաժողովը եկել է այն եզրակացության, որ ռուբլով գազի մատակարարման դիմաց վճարումները, ինչպես պահանջում են ՌԴ իշխանությունները, կլինեն պատժամիջոցների խախտում։ Այս մասին հայտնում է Bloomberg-ը՝ հղում կատարելով սեփական աղբյուրին, որը ծանոթ է Եվրահանձնաժողովի որոշմանը։
Աղբյուրի փոխանցմամբ՝ Եվրահանձնաժողովը գազի դիմաց ռուբլով վճարելու պահանջի իրավական վերլուծությունից հետո որոշել է, որ այն նաև կհամարվի մատակարարման պայմանագրերի խախտում, որոնց պայմանները վճարման արժույթի փոփոխություն չեն նախատեսում։
Ավելի վաղ շատ երկրներ, որոնց վրա տարածվել է գազի դիմաց ռուբլով վճարելու ՌԴ պահանջը, հայտարարել էին, որ չեն փոխի վճարման արժույթը։
Եվրամիությունը հայտարարեց, որ իրենք միասնական դիրքորոշում կմշակեն այս հարցում Եվրահանձնաժողովի եզրակացությունների հիման վրա։
Տաթև Ֆռանգյան
