26.11.2024 | 16:34
Ալեն Սիմոնյանը հրաժեշտի հանդիպում է ունեցել ՀՀ-ում Իտալիայի դեսպան Ալֆոնսո Դի Ռիզոյի հետ
Թուրքիան Սև ծովում ականների պատճառով մարտական պատրաստության վիճակի է բերել իր ականազերծող նավերը, պարեկային ինքնաթիռները, ԱԹՍ-ները
Քաղաքականություն
13.04.2022 | 20:36
Թուրքիան բարձրացրել է սակրավորական ստորաբաժանումների և այլ ծառայությունների մարտական պատրաստության մակարդակը Սև ծովում լողացող ականների պատճառով։ Այս մասին հայտարարել է երկրի պաշտպանության նախարար Հուլուսի Աքարը, փոխանցում է korrespondent-ը։
«Մենք ականազերծող մեր նավերը, պարեկային ինքնաթիռները, ուղղաթիռները, անօդաչու թռչող սարքերը և SAS խմբերը բերել ենք մարտական պատրաստության վիճակի: Ուշադիր հետևում ենք իրադարձությունների զարգացմանը»,- ընդգծել է Թուրքիայի պաշտպանության նախարարը։
Նրա խոսքով՝ Բոսֆորում վնասազերծվել է երեք լողացող ական։
«Կան որոշ թվեր՝ կապված ականների հոսքի հետ, դրանք հնարավոր չէ հաստատել: Այն, ինչ մենք անելու ենք այս առումով, զգոն լինելն է: Ներկայում ծովային երթևեկության հետ կապված խնդիրներ չկան»,- ասել է թուրք նախարարը։
Տաթև Ֆռանգյան
