Չավուշօղլուն հայտարարել է, որ Թուրքիայի մրցակից երկրների հետ հարաբերությունների կարգավորման փորձերը թափ են հավաքում 

Լուրեր

18.11.2026 | 11:31
Ուկրաինան Կրասնոդարի երկրամասում երկու նավթավերամշակման գործարանների է հարվածել․ տուժածներ կան
18.11.2026 | 11:22
ՀՀ ՔԿ նախագահն Իրանի արդարադատության նախարարի հետ քննարկել է քրեական գործերով իրավական օգնության արդյունավետության բարձրացումը
18.11.2026 | 11:12
Total Chess. Հայկ Մարտիրոսյանն առաջին օրը հաղթել է Ռիխարդ Ռապորտին
18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
Բոլորը

Թուրքիայի՝ մրցակից երկրների հետ հարաբերությունների կարգավորման փորձերը թափ են հավաքելու կարևոր այցերով ու հանդիպումներով դեպի Իսրայել, Եգիպտոս և Սաուդյան Արաբիա։ Այս մասին Թուրքիայի իշխող «Արդարություն և զարգացում» կուսակցության պատգամավորների հետ հանդիպմանն ասել է ԱԳ նախարար Մևլութ Չավուշօղլուն, գրում է Hurriyet-ը։

Չավուշօղլուն պատգամավորներին պատմել է կառավարության ջանքերի մասին՝ կարգավորելու հարաբերությունները այն երկրների հետ, որոնց հետ Թուրքիայի կապերն անցնող տարիներին սրվել էին։ Այդ երկրներն են ԱՄԷ-ն, Սաուդյան Արաբիան, Իսրայելը, Եգիպտոսը և Հայաստանը։

«Մենք երկար ճանապարհ ենք անցել ԱՄԷ-ի և Սաուդյան Արաբիայի հետ: Ջամալ Խաշոգջիի գործի փոխանցումը և դատական համագործակցության ակտիվացումը համահունչ էին Սաուդյան Արաբիայի հետ կարգավորման գործընթացին»,- ասել է Չավուշօղլուն։ 

Ակնկալվում է, որ նախագահ Ռեջեփ Թայիփ Էրդողանը թագավոր Սալմանի և թագաժառանգ Մուհամմեդ բեն Սալմանի հրավերով կայցելի Սաուդյան Արաբիա: Կողմերից որևէ մեկը, սակայն, այցը դեռևս չի հաստատել։

Մեկ այլ երկիր, որի հետ Թուրքիան բանակցություններ է վարում հարաբերությունների կարգավորման շուրջ, Իսրայելն է։ 

«Կարևոր զարգացումներ կան Իսրայելի հետ հարաբերությունների հետ կապված։ Մենք կայցելենք Իսրայել։ Պաղեստինը նույնպես ողջունում է Իսրայելի հետ մեր հարաբերությունների բարելավումը»,- ասել է Չավուշօղլուն պատգամավորներին։

Նշվում է, որ Էրդողանը նաև պատրաստվում է Իսրայել այցելել ԱԳ նախարար Մևլութ Չավուշօլուի և ՊՆ ղեկավար Հուլուսի Աքարի այցից հետո՝ դրանց արդյունքները հաշվի առնելով։ 

Չավուշօղլուն խոսել է նաև Հայաստանի հետ հարաբերությունների կարգավորման գործընթացից։

Նշենք, որ հունվար և փետրվար ամիսներին տեղի են ունեցել Հայաստանի և Թուրքիայի հարաբերությունների կարգավորման հարցով նշանակված հատուկ բանագնացների հանդիպումները։ Բացի այդ, ՀՀ ԱԳ նախարար Արարատ Միրզոյանը մեկնել էր Անթալիայի դիվանագիտական ֆորումին, որի ընթացքում հանդիպել է Թուրքիայի ԱԳ նախարարին։ 

«Մենք Հայաստանի հետ հարաբերությունների կարգավորման գործընթացը համակարգում ենք Ադրբեջանի հետ»,- ընդգծել է Չավուշօղլուն։ 

Նա նաև կարևոր տեղեկություններ է հաղորդել Եգիպտոսի հետ հարաբերությունների կարգավորման վերաբերյալ։ Չավուշօղլուն նշել է, որ Ստամբուլում շուտով հանդիպելու է Եգիպտոսի ԱԳ նախարար Սամեհ Շուքրիին՝ այլ մանրամասներ չհայտնելով։ 

Էմմա Չոբանյան