11.12.2025 | 16:29
2025թ․ ամենաշատ վաստակած արշավորդները Ֆորմուլա-1-ում
Ընդդիմադիր «Հայաստան» և «Պատիվ ունեմ» խմբակցությունների պատգամավորներին թույլ չեն տվել մուտք գործել Արցախ. նրանք այժմ Սյունիքում են
Քաղաքականություն
12.04.2022 | 22:07
ՀՀ Ազգային ժողովի ընդդիմադիր խմբակցությունների պատգամավորներն Արցախի սահմանագծից վերադարձել են Սյունիք՝ այդպես էլ չկարողանալով հասնել Ստեփանակերտ: Այս մասին Factor.am-ի հետ զրույցում հայտնեց «Հայաստան» խմբակցության պատգամավոր Գեղամ Մանուկյանը:
Ընդդիմադիրներին ռուս խաղաղապահները թույլ չեն տվել Ստեփանակերտից 60 կմ հեռավորության վրա գտնվող Աղավնո գյուղի անցակետից առաջ գնալ: Առայժմ չկա պաշտոնական տեղեկություն, թե ինչու «Հայաստան» և «Պատիվ ունեմ» խմբակցությունների պատգամավորներին թույլ չեն տվել հասնել մայրաքաղաք Ստեփանակերտ, որտեղ նրանք հանդիպելու էին Արցախի խորհրդարանական ուժերի հետ:
ԱԺ փոխնախագահ Իշխան Սաղաթելյանը ֆեյսբուքյան գրառմամբ մեղադրել էր Հայաստանի իշխանություններին:
Նշենք, որ այսօր ՀՀ ԱԺ-ում, մինչ ընդդիմադիրների Արցախ մեկնելը, միջադեպ էր տեղի ունեցել: Ընդդիմությունից Սեյրան Օհանյանն ԱԺ դահլիճի ամբիոնին տեղադրել էր Արցախի պետական դրոշը, ինչը հեռացվել էր իշխանական պատգամավոր Վահագն Ալեքսանյանի կողմից: ՔՊ-ական պատգամավորը հետո պարզաբանեց, որ Արցախի դրոշը «թեք է» դրված եղել:
Նարեկ Կիրակոսյան
