16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Համաշխարհային բանկը 1,5 մլրդ դոլարի օգնության փաթեթ է պատրաստում Ուկրաինայի համար
Քաղաքականություն
12.04.2022 | 18:25
Համաշխարհային բանկը 1,5 մլրդ դոլարի օգնության փաթեթ է պատրաստում Ուկրաինայի համար։ Այս մասին հայտարարել է ՀԲ ղեկավար Դեյվիդ Մալպասը, գրում է Reuters-ը։
Նա նշել է, որ դա հնարավոր է դարձել այն բանից հետո, երբ նախօրեին հաստատվել է Միջազգային զարգացման ասոցիացիայի կողմից 1 մլրդ դոլարի չափով օգնության հաստատումը, ինչպես նաև 100 մլն դոլարի վճարումը հարևան Մոլդովային։
Մալպասի խոսքով՝ այս տրանշը կօգնի Ուկրաինային տրամադրել կարևոր ծառայություններ, ներառյալ՝ բժիշկներին, թոշակառուներին և սոցիալական ծրագրերով վճարումները։
Ավելի վաղ Ուկրաինայի ֆինանսների նախարար Սերգեյ Մարչենկոն հայտարարել էր, որ Ռուսաստանի հետ պատերազմի պատճառով 2022 թվականի բյուջեի դեֆիցիտը մարտին կազմել է 2,7 միլիարդ դոլար, իսկ ապրիլ-մայիսին դրա աճի տեմպերը կշարունակեն ավելանալ մինչև 5-7 միլիարդ դոլար։
Տաթև Ֆռանգյան
