18.12.2025 | 10:05
Հունգարիայի առաջնության առաջատարը ցանկանում է ձեռք բերել Հայաստանի հավաքականի դարպասապահին
«Արցախի դրոշն ԱԺ-ում «թքել-կպցնելու» նպատակն է պետք հասկանալ». Հրաչյա Հակոբյանը՝ ընդդիմության քայլի մասին․ ՏԵՍԱՆՅՈՒԹ
Քաղաքականություն
12.04.2022 | 14:43
«Պետք է հասկանալ Արցախի դրոշը ԱԺ ամբիոնին թքել-կպցնելու նպատակը: Եթե քաղաքական ակցիա է, հիմա իրենց սեղաններին թքած-կպցրած է Արցախի դրոշ, և որևէ մեկը չի հեռացրել»,- այս մասին լրագրողների հետ ճեպազրույցի ընթացքում նշեց «Քաղաքացիական պայմանագիր» խմբակցության պատգամավոր Հրաչյա Հակոբյանը։
«Մենք տեսանք, որ Սեյրան Օհանյանը հենց ամբիոնի կպչուն տեղում թքոտում է և կպցնում է դրոշը, եթե դրոշը թքել-կպցնելը քաղաքական ակցիա է, ապա ակցիան մինչ այս պահը շարունակվում է»,- նշեց Հակոբյանը:
Պատգամավորը հավելեց, որ իրենք վատ չեն զգում Ացախի դրոշի տեղադրումից և հիշեցեց, որ այս պահին ԱԺ-ում 20-ից ավել Արցախի դրոշ կա տեղադրված։
Պատգամավորը չպատասխանեց այն հարցին, թե ինչու իրենց իշխանության ներկայացուցիչները պատերազմից հետո չեն այցելել Արցախ։
Անդրադառնալով հարցին, թե ինչպես կմեկնաբանի իշխանության այն հայտարարությունը, որ ընդդիմության այցը Արցախ կարող է սադրանքների տեղիք տալ, Հակոբյանը նշեց. «Այո՛, երբեմն եղել են այցեր, որոնք հանգեցրել են սադրանքի և ընդդիմության որոշ աշխատանքներ համաձայնեցված են Ադրբեջանի բանակի հետ, որովհետև եղել են այցեր, որոնցից անմիջապես հետո Ադրբեջանի կողմից եղել է սադրանք։ Կամ իրենց հնարահավաքը որքանո՞վ էր տեղին, եթե հաջորդ օրը Փաշինյանը պետք է Բրյուսելում հանդիպեր Ալիևի հետ»։
Մանրամասները՝ տեսանյութում:
