19.05.2026 | 15:19
Ադրբեջանական միջամտության նոր դեպք ենք հայտնաբերել և ուղարկել ԵՄ դեսպանին. Արման Թաթոյան․ ՏԵՍԱՆՅՈՒԹ
Կիևի շրջանի բնակիչները մայիսի վերջին կարող են տուն վերադառնալ․ Ալեքսանդր Պավլյուկ
Քաղաքականություն
12.04.2022 | 13:59
Կիևի շրջանի բնակիչները կարող են մայիսի վերջին վերադառնել իրենց տներ։ Տեղական իշխանությունները կանխատեսում են, որ առավել ճշգրիտ ժամկետ հնարավոր կլինի նշել արդեն այս ամսվա վերջին։ Այս մասին գրում է ՌԲԿ Ուկրաինան՝ վկայակոչելով շրջանային վարչակազմի ղեկավար Ալեքսանդր Պավլյուկին։
«Մենք առայժմ աշխատանքի երկու փուլ ունենք։ Հիմնականն ապրիլի վերջն է, այդ ժամանակ մենք նախատեսում ենք մարդկանց ապրելու շատ թե քիչ պայմաններ ապահովել։ Եվ երկրորդը մայիսի վերջն է»,- ասել է Պավլյուկը։
Նա նշել է, որ ներկայում շրջանային իշխանությունը խորհուրդ չի տալիս մարդկանց տուն վերադառնալ։
«Մայիսի վերջը քիչ թե շատ իրատեսական ժամկետ է, երբ մարդիկ կարող են անվտանգ վերադառնալ։ Նշվելու և շրջափակվելու են դեռևս ականապատ տարածքները, քանի որ դա շատ տքնաջան ու մեծ աշխատանք է։ Կարծում եմ՝ շրջանը կյանքի կարող է վերադառնալ մայիսի վերջին»,- ասել է Պավլյուկը։
Էմմա Չոբանյան
