29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Թուրքիան նախատեսում է հատուկ ավիաընկերություն ստեղծել՝ պատժամիջոցների պայմաններում ՌԴ-ից զբոսաշրջիկներին երկիր բերելու համար
Քաղաքականություն
11.04.2022 | 23:30
Թուրքիայի իշխանությունները միջոցառումներ են ձեռնարկում՝ ՌԴ-ի նկատմամբ Արևմտյան պատժամիջոցների պայմաններում ռուս զբոսաշրջիկների հոսքը երկիր ապահովելու համար, գրում է Sabah-ը։
Ըստ պարբերականի՝ Թուրքիայի զբոսաշրջային ոլորտը խնդիրների է բախվել Ուկրաինայում պատերազմի հետևանքով, խնդիրը փորձում է կարգավորել կառավարությունը։
«Մշակույթի նախարարությունը, Տրանսպորտի, գանձապետարանի և ֆինանսների նախարարությունը ստեղծված իրավիճակում հաստատել են եռափուլ ճանապարհային քարտեզ՝ ՌԴ-ից զբոսաշրջիկների ներգրավելու համար»,- ասվում է հրապարակման մեջ։
Նշվում է, որ խոսքը նաև նոր ավիընկերության ստեղծման մասին է։
Լրատվամիջոցը գրում է, որ նախարարություններն անցել են ավաընկերության շուրջ աշխատանքներին, որը նախատեսվում է ստեղծել Անթալիայում։ Այն զբաղվելու է միայն Ռուսաստանից Թուրքիա զբոսաշրջիկների փոխադրումներով։ Ավիաընկերության ստեղծման համար նաև վարկային աջակցություն է տրամադրվելու։ Նշվում է, որ այս ավիաընկերության ստեղծման դեպքում հնարավոր կլինի լրացուցիչ 1 մլն զբոսաշրջիկի ներգրավել։
Այս համատեքստում վարկային աջակցություն է տրամադրվելու ռուսաստանաբնակ թուրքական տուրօպերատորներին, հիմնականում այնպիսի ընկերություններին, ինչպիսիք են Anex-ը, Pegas-ը և Coral-ը, որոնք Ռուսաստանից զբոսաշրջիկների են բերում Թուրքիա։ Խոսքը շուրջ 300 մլն դոլար վարկի մասին է։ Փաթեթի մասին հայտարարվելու է մայիսի առաջին շաբաթվա ընթացքում։
Էմմա Չոբանյան
