08.06.2026 | 20:12
Էրդողանն ընդունել է Պոլսի Հայոց պատրիարքին
Կրեմլը՝ ՆԱՏՕ-ին Ֆինլանդիայի և Շվեդիայի հնարավոր անդամակցության մասին
Քաղաքականություն
11.04.2022 | 17:32
Ռուսաստանը նախազգուշացրել է Ֆինլանդիային և Շվեդիային ՆԱՏՕ-ին անդամակցելու հարցում՝ պնդելով, որ այդ քայլը կայունություն չի բերի Եվրոպային: Կրեմլի խոսնակ Դմիտրի Պեսկովը լրագրողներին ասել է, որ «դաշինքը մնում է առճակատմանն ուղղված գործիք», գրում է BBC-ն։
Ավելի վաղ ԱՄՆ պաշտպանության նախարարության պաշտոնյաները հայտարարել էին, որ Մոսկվայի ներխուժումն Ուկրաինա եղել է «ռազմավարական սխալ», որը, հավանաբար, կհանգեցնի ՆԱՏՕ-ի ընդլայնման: Ամերիկացի պաշտոնյաներն ակնկալում են, որ սկանդինավյան հարևանները կդիմեն դաշինքին անդամակցելու համար, հնարավոր է, արդեն հունիսին:
Ենթադրվում է, որ Վաշինգտոնն աջակցում է այս քայլին, որի արդյունքում արևմտյան դաշինքի անդամների թիվը կհասնի 32-ի: ԱՄՆ Պետքարտուղարության պաշտոնյաներն էլ անցյալ շաբաթ հայտարարել էր, որ քննարկումներ են տեղի ունեցել ՆԱՏՕ-ի ղեկավարների և Հելսինկիի ու Ստոկհոլմի արտաքին գործերի նախարարների միջև:
Նախքան ռազմական գործողություններ սկսելը՝ Ռուսաստանը պահանջել է, որ դաշինքը համաձայնի դադարեցնել ապագա ընդլայնումը, սակայն պատերազմը հանգեցրել է ՆԱՏՕ-ի ավելի շատ զորքերի տեղակայման նրա արևելյան թևում ու դաշինքին Շվեդիայի և Ֆինլանդիայի անդամակցությանը հանրային աջակցության աճին:
Տաթև Ֆռանգյան
