16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Մակրոնը հաղթում է նախագահական ընտրությունների առաջին փուլում
Քաղաքականություն
11.04.2022 | 16:38
Ֆրանսիայի նախագահական ընտրությունների առաջին փուլի նախնական արդյունքների համաձայն՝ գործող նախագահ Էմանուել Մակրոնը ստանում է ձայների 28,4%-ը։ Սպասվում է, որ երկրորդ փուլում նրա մրցակիցը կլինի ֆրանսիական աջ ծայրահեղականների ղեկավար Մարին Լը Պենը։ «Ազգային ասոցիացիայի» առաջնորդը հավաքում է 23,4 տոկոս ձայն, գրում է RFI-ը։
Պահպանողական թեկնածու Վալերի Պեկրեսը նշել է, որ Լը Պենը «պատմականորեն մոտ» է եղել Վլադիմիր Պուտինին, և դա վարկաբեկում է նրան։ Մակրոնի օգտին երկրորդ փուլում քվեարկելու կոչ են արել Փարիզի քաղաքապետ Անն Իդալգոն, կոմունիստ Ֆաբիեն Ռուսելը և կանաչների թեկնածու Յանիկ Ժադոն։
Ֆրանսիայի նախագահն ընտրվում է 5 տարի ժամկետով և կարող է վերընտրվել մեկ անգամ։ Ֆրանսիայի Սահմանադրության համաձայն՝ եթե առաջին փուլում ոչ մի թեկնածու չի ստանում բացարձակ մեծամասնություն, ապա անցկացվում է երկրորդ փուլ։ 1965 թվականին նման կանոնների ներդրումից ի վեր Ֆրանսիայում նախագահ է ընտրվել երկրորդ փուլով: Ընտրությունների երկրորդ փուլը կկայանա երկու շաբաթից՝ ապրիլի 24-ին։
Տաթև Ֆռանգյան
