24.06.2026 | 16:06
Առաջիկա օրերին սպասվում է անձրև, ամպրոպ, քամու ուժգնացում
Արդյո՞ք համաճարակը հաղթահարված է․ կորոնավիրուսի ընդամենը 1 նոր դեպք է գրանցվել․ ՏԵՍԱՆՅՈՒԹ
11.04.2022 | 18:02
Հայաստանում գրանցվել է կորոնավիրուսային հիվանդության ընդամենը մեկ դեպք երեկ կատարված 1921 թեստավորումների արդյունքում։ Սա, ըստ էության, աննախադեպ ցուցանիշ է համավարակի շուրջ 2-ամյա պատմության ընթացքում։
Վերջին շաբաթներին, ըստ Առողջապահության նախարարության տվյալների, Հայաստանում կորոնավիրուսային համավարակի և դրանով պայմանավորված մահվան դեպքերի ցուցանիշներն էականորեն նվազել են։ Վերջին 10 օրվա ընթացքում կորոնավիրուսից մահացել է 9 մարդ։ Համեմատություն համար նշենք, որ համավարակի 5-րդ ալիքի ժամանակ 10 օրվա ընթացքում մահվան դեպքերի գումարային թիվը գերազանցել էր 3 հարյուրյակը։ Արդյո՞ք կարող ենք ասել, որ Հայաստանում կորոնավիրուսային համաճարակը մոտ է ավարտին։
Հայաստանում կորոնավիրուսային 5-րդ ալիքը սկսվեց նախորդ տարվա սեպտեմբերի վերջին և շարունակվեց մինչև այս տարվա մարտի սկիզբ։ Այդ ընթացքում Հայաստանում գրանցվեցին հակառեկորդներ՝ մեկ օրում վարակվածների թիվն անցավ 4․388-ը, մահացավ՝ 69 մարդ։ Թեև, սրան զուգահեռ, մի շարք սահմանափակումներ մտցվեցին, օրինակ՝ հանրային և սննդի վայրեր մուտքը դարձավ պատվաստման սերտիֆիկատի կամ կորոնավիրուսային բացասական թեստի առկայության պայմանով, սակայն մի շարք սահմանափակումներ էլ մեղմացվեցին, հանվեց նաև փակ տարածքներում պարտադիր դիմակ կրելու պահանջը, որը գործում էր արդեն տևական ժամանակ։
Մասնագետների դիտարկմամբ՝ նոր ալիքի պատճառը «օմիկրոն» շտամն էր, որն ավելի վարակիչ է, քան «դելտա»-ն, սակայն ավելի թեթև ընթացք է ունենում։ Հանրային առողջության մասնագետ Դավիթ Մելիք-Նուբարյանի կարծիքով՝ եթե նոր ալիք լինի, հնարավոր է՝ վիրուսի նոր տեսակ ի հայտ գա։
Առողջապահության ոլորտի մասնագետները կարծիք են հայտնում, որ համաճարակի նահանջը պայմանավորված է նաև պատվաստումների ցուցանիշով։
Մանրամասները՝ տեսանյութում։
Ռոզա Վարդանյան
