11.03.2025 | 01:55
Կասկածի տակ է դրվում օրենքը, ոչ թե դատախազի աշխատանքի օրինականությունը. նախկին ավագ դատախազ. ՏԵՍԱՆՅՈՒԹ
Ֆինլանդիան և Շվեդիան ամռանը մտադիր են անդամակցել ՆԱՏՕ-ին․ Times
Քաղաքականություն
11.04.2022 | 12:59
Ռուսաստանը «մասսայական ռազմավարական սխալ է» արել, քանի որ Ֆինլանդիան ու Շվեդիան պատրաստ են անդամակցել ՆԱՏՕ-ին արդեն այս ամռանը։ Այս մասին գրել է The Times-ը՝ վկայակոչելով պաշտոնյաներին, փոխանցում է swissinfo-ն:
Նշվում է, որ ԱՄՆ պաշտոնյաներն ասել են, որ սկանդինավյան այս երկու երկրների՝ ՆԱՏՕ-ին անդամակցությունը «քննարկման առարկա և բազաթիվ հանդիպումների թեմա» է եղել անցյալ շաբաթ դաշինքի ԱԳ նախարարների միջև, որոնց հանդիպմանը մասնակցել են Շվեդիան ու Ֆինլանդիան։
Շվեդիան ավելի քան 200 տարի ռազմական դաշինքի մեջ չէր մտնում, իսկ Ֆինլանդիան խստորեն պահպանում էր չեզոքությունը ԽՍՀՄ-ի նկատմամբ Սառը պատերազմի ողջ ընթացքում: Սակայն ուկրաինական պատերազմից հետո երկու երկրներում սկսել են խոսել ՆԱՏՕ-ն անդամակցելու հնարավորության մասին։
Էմմա Չոբանյան
