27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Իսրայելի նախագահը հայտնել է, որ Ադրբեջանն իր երկրում դեսպանատուն է բացելու
Քաղաքականություն
08.04.2022 | 21:56
Իսրայելի նախագահ Իցհակ Հերցոգը հույս է հայտնել,որ ականատեսը կլինի իր երկրում Ադրբեջանի դեսպանատան բացմանը։ Այս մասին ասվում է Հերցոգի՝ Ադրբեջանի նախագահի Իլհամ Ալիևին ուղղված շնորհավորական նամակում՝ երկու երկրների միջև դիվանագիտական հարաբերությունների հաստատման 30-ամյակի կապակցությամբ, հայտնում են ադրբեջանական լրատվամիջոցները։
«Դեսպանատան բացումը կդառնա բնական քայլ կլինի առևտրի և զբոսաշրջության ներկայացուցչության բացումից հետո, և դա վկայում է մեր երկրների միջև սերտ և ռազմավարական հարաբերությունների մասին»,- ասվում է Հերցոգի ուղերձում։
Բացի այդ ՝ Հերգոցը Ալիևին հրավիրել է հաջորդ տարի այցելել Իսրայել՝ համատեղ մասնակցելու Ադրբեջանի դեսպանատան բացման արարողությանը։
Հավելենք, որ չնայած Բաքվի ու Թել Ավիվի միջև դիվանագիտական հարաբերությունները հաստատվել են 1992 թվականին, Ադրբեջանը Իսրայելում դիվանագիտական ներկայացուցչություն մինչ օրս չունի։ Փոխարենը բավական ակտիվ գործում է Բաքվում Իսրայելի դեսպանատունը։
Նախորդ տարի էլ Ադրբեջանի ու Իսրայելի հարաբերությունները թևակոխեցին նոր փուլ, երբ հուլիսին Բաքուն Թել Ավիվում բացեց առաջին պաշտոնական ներկայացուցչությունը։
Էմմա Չոբանյան
