10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
ԵՄ-ն մինչ այժմ ռուս և բելառուս օլիգարխների, կազմակերպությունների 30 միլիարդ եվրոյի ակտիվներ է սառեցրել
Քաղաքականություն
08.04.2022 | 22:13
ԵՄ անդամ երկրների կողմից մինչ այժմ սառեցվել է ռուս և բելառուս օլիգարխների ու կազմակերպությունների մոտ 30 միլիարդ եվրո (32 միլիարդ դոլար) ակտիվ։ Այս մասին հայտարարել է ԵՄ «Սառեցման ու բռնագրավման» աշխատանքային խումբը, գրում է CNN-ը։
Հայտարարության մեջ նշվում է, որ սառեցված ակտիվները ներառում են նավեր, ուղղաթիռներ, անշարժ գույք և արվեստի գործեր: Նաև ասվում է, որ շուրջ 196 միլիարդ եվրոյի (213 միլիարդ դոլար) գործարքները դադարեցվել են: Այս խումբը ձևավորվել էր Եվրոպական հանձնաժողովի կողմից օգնելու համակարգել ռուս և բելառուս օլիգարխների դեմ ԵՄ և միջազգային պատժամիջոցների կիրառումը:
Արդարադատության հարցերով եվրահանձնակատար Դիդիե Ռեյնդերսն ասել է. «Ռուսական բանակի կողմից իրականացված վայրագությունների լույսի ներքո՝ առավել քան երբևէ հրատապ է ամրապնդել մեր համագործակցությունը ԵՄ-ի և մեր միջազգային գործընկերների, այդ թվում՝ ԱՄՆ-ի և Ուկրաինայի հետ, և ակտիվացնել մեր ջանքերը դադարեցնել Կրեմլի պատերազմի մեքենայի ֆինանսավորումը»։
Էմմա Չոբանյան
