27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ռուսաստանն արտաքսել է 45 լեհ դիվանագետի
Քաղաքականություն
08.04.2022 | 18:47
Ռուսաստանն արտաքսել է 45 լեհ դիվանագետի։ Լեհաստանի ԱԳՆ-ն հայտնել է, որ Մոսկվան արտաքսում է դիվանագիտական և հյուպատոսական 45 աշխատակցի։ Նրանք պետք է լքեն Ռուսաստանը մինչև ապրիլի 13-ը։
Ավելի վաղ Վարշավայի պահանջով 45 ռուս դիվանագետներ լքել էին Լեհաստանը, գրում է BBC-ի ռուսական ծառայությունը։
ՌԴ ԱԳՆ-ն հաստատել է և՛ արտաքսման ժամկետը, և՛ արտաքսվողների թիվը։
«Հիմք ընդունելով փոխադարձության սկզբունքը՝ Իրկուտսկում, Կալինինգրադում և Սանկտ Պետերբուրգում դեսպանատան և գլխավոր հյուպատոսությունների 45 աշխատակիցներ հայտարարվել են պերսոնա նոն գրատա»,- ասվում է ՌԴ ԱԳՆ հայտարարության մեջ։
Եվրոպական երկրները մի քանի օր է՝ հայտարարում են ռուս դիվանագետների արտաքսման մասին։ Այսօր հայտնի դարձավ, որ Ֆինլանդիան նույնպես արտաքսել է 2 ռուս դիվանագետի։
Տաթև Ֆռանգյան
