06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
ՌԴ-ն պատրաստ է նպաստել ՀՀ-ի և Ադրբեջանի միջև խաղաղության պայմանագրի կնքմանը․ Լավրով. ՏԵՍԱՆՅՈՒԹ
Քաղաքականություն
08.04.2022 | 15:50
Ռուսաստանի Դաշնությունը պատրաստ է աջակցել Հայաստանի և Ադրբեջանի միջև խաղաղության պայմանագրին ուղղված բանակցություններին։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսի ժամանակ։
«Ռուսաստանը պատրաստ է աջակցել այն աշխատանքին, որն այժմ ծավալվել է Երևանի և Բաքվի միջև՝ կապված Հայաստանի և Ադրբեջանի միջև խաղաղության պայմանագրի կնքման համար պայմանների ստեղծմանը։ Մենք մանրամասնորեն խոսել ենք այն մասին, թե ինչ ձևով կարող ենք օգնել մեր հարևաններին սկսել այդ գործընթացը»,- ասել է Լավրովը։
ՌԴ արտգործնախարարը նաև նշել է, որ Հայաստանի արտգործնախարարի հետ հանդիպմանը ընդգծել է Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների կատարման կարևորությունը։
«Մենք մանրամասնորեն խոսել ենք Հարավային Կովկասում տիրող իրավիճակի մասին: Մենք կարևորել ենք Հայաստանի, Ադրբեջանի և Ռուսաստանի ղեկավարների՝ 2020 թվականի նոյեմբերի 9-ին և անցյալ տարվա հունվարի 11-ին և նոյեմբերի 26-ի պայմանավորվածությունների խստիվ կատարումը»,- ասել է նա։
Լավրովը նաև ողջունել է Անկարայի և Հայաստանի միջև հարաբերությունների կարգավորմանն ուղղված ջանքերը։
Մանրամասները՝ տեսանյութում:
Տաթև Ֆռանգյան
