16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
ԱՄՆ Սենատը հավանություն է տվել Ռուսաստանի հետ նորմալ առևտրային հարաբերությունները դադարեցնելու նախաձեռնությանը
Քաղաքականություն
07.04.2022 | 21:24
Սենատը ապրիլի 7-ին հավանություն է տվել Ռուսաստանի և Բելառուսի հետ նորմալ առևտրային հարաբերությունները դադարեցնելու օրինագծին։ Քվեարկությունը դեռ շարունակվում է, սակայն նախաձեռնությունն արդեն ստացել է բավարար ձայներ՝ հաստատվելու համար։ Բոլոր 100 սենատորները պաշտպանել են օրինագիծը։ «Արմենպրես»-ի հաղորդմամբ, այս մասին հայտնում է ՏԱՍՍ-ը:
ԱՄՆ նախագահ Ջո Բայդենը մարտին հրամանագիր էր ստորագրել Ռուսաստանից էներգակիրների ներկրումն արգելելու մասին։
Մարտին ԱՄՆ Ներկայացուցիչների պալատն արդեն հավանություն էր տվել Ռուսաստանից էներգակիրների ներկրումն արգելելու և ԱՄՆ պաշտոնատար անձանց կողմից Առևտրի համաշխարհային կազմակերպությանը (ԱՀԿ) Ռուսաստանի մասնակցությունը կասեցնելու միջոցներ ձեռնարկելու օրինագծին: Սակայն Սենատում նախաձեռնությունը քննարկելիս որոշ փոփոխություններ են արվել։ Այս կապակցությամբ փաստաթուղթն այժմ հետ կուղարկվի ստորին պալատ, որը, ինչպես սպասվում է, կվերանայի այն ապրիլի 7-ին ավելի ուշ: Եթե օրինագիծը հավանության արժանանա Ներկայացուցիչների պալատի կողմից, ապա այն կանցնի ԱՄՆ նախագահի ստորագրմանը։
