16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Ռուս զինվորականները ռադիոկապով քննարկել են Բուչայի դեպքերը․ Der Spiegel
Քաղաքականություն
07.04.2022 | 15:01
Գերմանիայի Դաշնային հետախուզական ծառայությունը (BND) գաղտնալսել է ռուս զինվորականների ռադիոկապով շփումները, որոնք նոր տեղեկություններ են պարունակում Կիևի Բուչա արվարձանում տեղի ունեցած ջարդերի մասին, գրում է DW-ի ռուսական ծառայությունը՝ հղում կատարելով Der Spiegel-ին։
Նշվում է, որ ռուս զինվորականները քննարկել են Բուչայում խաղաղ բնակիչների կոտորածները, առանձին հաղորդագրություններ կարող են կապված լինել նաև քաղաքից լուսանկարներում հայտնված կոնկրետ մահացածների մարմինների հետ, գրում է գերմանական Der Spiegel-ը։
Մասնավորապես, գերմանական հետախուզական ծառայությունն ունի ռադիոհաղորդագրություններ, որոնց բովանդակությունը փոխկապակցված է Բուչայի գլխավոր փողոցի երկայնքով սպանված խաղաղ բնակիչների մարմինների գտնվելու վայրի հետ։ Դրանցից մեկում զինծառայողը հայտարարել է, որ ինքը և իր ծառայակիցը կրակել են հեծանիվով տղամարդու վրա, իսկ համաշխարհային լրատվամիջոցներում հրապարակված սպանված հեծանվորդի լուսանկարը դարձել է Բուչայի վայրագությունների ամենահայտնի վկայություններից մեկը։
Մեկ այլ զրույցում տղամարդը, ըստ Der Spiegel-ի, ասում է, որ ուկրաինացի զինվորներին նախ հարցաքննում են, ապա գնդակահարում։
Բացի այդ, այս նյութերից կարելի է եզրակացնել, որ Բուչայում տեղի ունեցած վայրագությունների մեջ որոշիչ դեր են խաղացել մասնավոր զինվորական ընկերություն հանդիսացող «Վագների» զինյալները, որոնք առանձնակի դաժանություն են ցուցաբերել դեռևս Սիրիայում պատերազմին իրենց մասնակցության ժամանակ։
