29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԵՄ-ն չի քննարկում Ռուսաստանից նավթի գնման արգելքի հարցը․ Բորել
Քաղաքականություն
07.04.2022 | 13:33
Ռուսական նավթի էմբարգոն չի ներառվի Ռուսաստանի դեմ պատժամիջոցների հինգերորդ փաթեթում, սակայն այս հարցը կրկին կքննարկվի ապրիլի 11-ին ԵՄ երկրների արտգործնախարարների խորհրդում։ Այս մասին հայտարարել է եվրոպական դիվանագիտության ղեկավար Ժոզեպ Բորելը, գրում է Korrespondent-ը։
«Այն ներառված չէ պատժամիջոցների հինգերորդ փաթեթում, որը կքննարկվի այսօր, խոսքը միայն ածխի մասին է։ Բայց կարծում եմ՝ քննարկումը տեղի կունենա երկուշաբթի՝ արտգործնախարարների խորհրդում։ Վաղ թե շուտ դա տեղի կունենա, հուսով եմ, որ շուտով»,- ասել է նա։
Նրա խոսքով՝ պատժամիջոցների հինգերորդ փաթեթը կընդունվի ապրիլի 7-ին կամ 8-ին։
Ավելի վաղ Եվրահանձնաժողովի ղեկավար Ուրսուլա ֆոն դեր Լյայենը հայտնել էր, որ որպես պատժամիջոցների նոր փաթեթ՝ Եվրամիությունը էմբարգո կսահմանի ռուսական ածխի վրա, կարգելելի ռուսական նավերի մուտքը եվրոպական նավահանգիստներ և բոլոր ռուսական օդանավերի, այդ թվում՝ բիզնես ինքնաթիռների մուտքը ԵՄ օդային տարածք։
Տաթև Ֆռանգյան
