08.02.2026 | 13:31
Սպասվում են տեղումներ, բուք, ցածր հորիզոնական տեսանելիություն
Թուրքիան դիտարկում է Ասադի հետ երկխոսության վերսկսման հարցը
Քաղաքականություն
06.04.2022 | 20:47
Թուրքիայի կառավարությունը դիտարկում է Սիրիայի կառավարության հետ երկխոսություն սկսելու հարցը։ Այս մասին հայտնում է Hurriyet-ը՝ վկայակոչելով իր աղբյուրներին, փոխանցում է «Ահվալ» գործակալությունը։
Նշվում է, որ քննարկումները երեք կրիտիկական թեմա են ներառում՝ սիրիական պետության միասնական կառուցվածքի պաշտպանությունը, Սիրիայի տարածքային ամբողջականության պահպանումը և փախստականների անվտանգ վերադարձի ապահովումը։
Լրատվամիջոցը գրում է, որ հատկապես կարևոր է Սիրիայի միասնականությունը երկրում և Քուրդիստանի ինքնավար մարզում PKK-ի գործունեության պատճառով։ Նշվում է, որ այդ մասին սիրիական կողմին է փոխանցվել անցյալ ամիս նախագահ Բաշար Ասադի՝ Արաբական Միացյալ Էմիրություններ կատարած այցից առաջ։
Իր աղբյուրին վկայակոչելով՝ պարբերականը գրում է, որ գործընթացը կարող է հանգեցնել Թուրքիայում բնակվող սիրիացի փախստականների առնվազն կեսի վերադարձին իրենց հայրենիք։ Աղբյուրներն ասում են, որ Անկարայի և Դամասկոսի հարաբերությունների կարգավորումը հետ էր պահվում ՌԴ-ի ու Իրանի կողմից։ Սակայն հիմա Ռուսաստանը զբաղված է Ուկրաինայի պատերազմով և դրան գլոբալ արձագանքով, և հարաբերությունների բարելավման հնարավորություն կա։
Անկարան կարծում է, որ Ասադի այցը ԱՄԷ ցույց է տալիս, որ նա պետք է նոր նախաձեռնություններով հանդես գա և նոր աջակցություն ստեղծի, և որ այդ նպատակով տարբեր միջոցներ էին փնտրում։ Թուրքիան էլ կարող է օգտագործել այս գործընթացը հօգուտ իրեն՝ հաշվի առնելով ԱՄԷ-ի հետ սեփական հարաբերությունների բարելավումը, նշում են աղբյուրները։
Հավելենք, որ Թուրքիայում ավելի քան 3 մլն սիրիացի փախստական է ապրում։ Ասադը մարտի կեսերին էր այցելել ԱՄԷ՝ մեկ ամիս անց այն բանից հետո, երբ Թուրքիայի նախագահ Ռեջեփ Թայիփ Էրդողանը բանակցություններ էր անցկացրել Աբու Դաբիում և Դուբայում՝ օգնելու վերականգնել խզված հարաբերությունները։
Էմմա Չոբանյան
