08.02.2026 | 19:26
Նոյեմբերյանում նոր դպրոց ենք կառուցում, առաջիկայում կմեկնարկենք նաև քոլեջի նոր շենքի կառուցումը. Ժաննա Անդրեասյան
Քոչարյանն ու Սարգսյանը թող միտինգի տեղում ասեին՝ ոտքով գնում ենք Ղարաբաղ՝ ապրելու. Գագիկ Մելքոնյան. ՏԵՍԱՆՅՈՒԹ
Քաղաքականություն
06.04.2022 | 17:10
«Իրենք ընդդիմադիրներ չեն, ռևանշիստներ են, որոնք ինչ-որ տեղից հրահանգներ են ստանում և այդ խնդիրներն են կատարում»- այս մասին Factor.am-ի հետ զրույցում նշեց ԱԺ «Քաղաքացական պայմանագիր» խմբակցության պատգամավոր Գագիկ Մելքոնյանը՝ անդրադառնալով հարցին, թե հիմնավոր են արդյոք ընդդիմության՝ Բրյուսելում այսօր կայանալիք Փաշինան – Ալիև հանդիպման հետ կապված մտահոգությունները:
«Նրանք միտինգ են անում այն ժամանակ, երբ մեր երկրի ղեկավարը գնում է հանդիպման թշնամի երկրի ղեկավարի հետ: Կան հարցեր, որ պետք է այդ հանդիպման ժամանակ պարզաբանվեն՝ սահմանագծման,սահմանազատման հարցերը, որոնք լուծում չեն ստացել: Ադրբեջանը կարողանում է, սահմանին լարվածություն ստեղծելով, խուսափել այդ ամեն ինչից: Ինձ թվում է Եվրոպան պետք է հարցեր տա, Ալիևը պետք է պատասխան տա, թե ինչու չեն կատարվում սահմանազատման, սահմանագծման, խաղաղության վերաբերյալ կետերը:
Ներկայացված հինգ կետերով Ադրբեջանի հիմնական նպատակն այն է, որ մենք ասենք՝ Արցախն Ադրբեջանի կազմում է, բայց մենք դա չենք անի: Մենք ինքնորոշման խնդիր ենք բարձրացրել, դիմել ենք Մինսկի խմբին: Մինսկի խումբը բացահայտ ասում է՝ Արցախի հարցը լուծված չէ»,- նշեց Մելքոնյանը՝ հավելելով, որ Փառուխի դեպքերը, Արցախում գազամատակարարման անջատումներն ապացուցեցին, որ արցախցին չի կարող ապրել Ադրբեջանի ենթակայության տակ:
Մանրամասները՝ տեսանյութում:
