16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Նուլանդը հայտարարել է, որ Թուրքիան Ուկրաինայում տեսավ՝ ՌԴ-ից գնված զենքերն առավելություն չեն տալիս
Քաղաքականություն
06.04.2022 | 16:03
ԱՄՆ պետքարտուղարի քաղաքական հարցերով տեղակալ Վիկտորյա Նուլանդը հարցազրույց է տվել թուրքական NTV հեռուստաալիքին, որի ընթացքում խոսել է ուկրաինական պատերազմի, թուրք-ամերիկյան հարաբերությունների և մի շարք այլ թեմաների մասին։
Հիշեցնենք՝ Նուլանդն Անկարայում հանդիպումներ է ունեցել թուրք պաշտոնյաների, այդ թվում՝ ԱԳ նախարար Մևլութ Չավուշօղլուի և նախագահ Ռեջեփ Թայիփ Էրդողանի գլխավոր խորհրդական Իբրահիմ Քալընի հետ։
Ուկրաինական պատերազմից զատ՝ Նուլանդը խոսել է թուրք-ամերիկյան հարաբերություններից՝ նշելով, որ երկու երկրների հարաբերություններում նոր ներուժ կա։ Նա կրկին ամերիկյան կողմի մտահոգությունն է հայտնել Թուրքիայի կողմից ռուսական զենքի ձեռքբերման կապակցությամբ։
«Որպես ՆԱՏՕ-ի դաշնակից՝ Թուրքիան որոշեց Ռուսաստանից հակաօդային պաշտպանության սպառազինություն գնել։ Այս հարցը մեզ անհանգստացնում է, քանի որ այն ՆԱՏՕ-ի օգտին չէ։ Կարծում եմ՝ և՛ թուրքական վարչակազմը, և՛ Թուրքիայի քաղաքացիները տեսան Ուկրաինայում, որ Ռուսաստանից գնված զենքերը Թուրքիային որևէ առավելություն չեն տա մարտի դաշտում, երբ պաշտպանական համակարգը վերցվի։ Մենք շարունակում ենք F-16-ի շուրջ բանակցությունները։ Մենք Թուրքիայի պահանջներին ենք սպասում, որոնք կքննարկենք ու որոշում կկայացնենք»,- ասել է Պետքարտուղարության պաշտոնյան։
Էմմա Չոբանյան
