16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Բուչայում 320 խաղաղ բնակիչ է սպանվել, Գոստոմելում 400 մարդ անհետ կորել է
Քաղաքականություն
06.04.2022 | 15:09
Ուկրաինական Բուչայի քաղաքապետ Անատոլի Ֆեդորուկը BBC-ին հայտնել է, որ քաղաքում սպանվել է շուրջ 320 խաղաղ բնակիչ։
Նրա խոսքով՝ ռուս զինվորականները «հատուկ որս» են իրականացրել նաև տեղի քաղաքական գործիչների նկատմամբ։
Քաղաքապետը հայտարարել է, որ ՌԴ ԱԳ նախարարին հրավիրում է Բուչա, որպեսզի նա «տեսնի մահացած մարդկանց մարմինները և նայի նրանց ընտանիքների, մայրերի, ամուսինների, որբ մնացած երեխաների աչքերին»։
Գոստոմելի ղեկավար Տարաս Դումենկոն էլ հայտարարել է, որ քաղաքում 400 մարդ անհետ կորել է։
«Գոստոմելում շատ դիեր չեն հայտնաբերվել, համայնքի գյուղերում հայտնաբերվել են գնդակահարված բնակիչներ։ Մեր համայնքի մի շարք բնակիչներ հայտնաբերվել են Բուչայում»,- ասել է Դումենկոն։
Նրա խոսքով՝ հայտնի է, որ անհետ կորածներից մի քանիսը սպանվել են, չնայած նրանց մարմինները չեն հայտնաբերվել։ Դումենկոյի կարծիքով՝ «ռուս զինվորականներն ավելի հանգամանալից են թաքցրել հետքերը, քան Բուչայում»։
Էմմա Չոբանյան
