26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Բլինքենն Ալիևին զսպվածության և ապաէսկալացիայի կոչ է արել
Քաղաքականություն
06.04.2022 | 13:29
ԱՄՆ պետքարտուղար Էնթոնի Բլինքենը նախօրեին հեռախոսազրույց է ունեցել Ադրբեջանի նախագահ Իլհամ Ալիևի հետ։ ԱՄՆ Պետքարտուղարության տարածած հաղորդագրության մեջ նշվում է, որ Բլինքենը դատապարտել է Կրեմլի սարսափելի ռազմական հանցագործություններն Ուկրաինայում և ընդգծել ԱՄՆ-ի ու նրա գործընկերների շարունակական հանձնառությունը՝ պատասխանատվության ենթարկելու Ռուսաստանի Դաշնությանը և նրա աջակիցներին՝ Ուկրաինայի դեմ չհրահրված և չարդարացված պատերազմի համար։
Բլինքենը նաև Ալիևին զսպվածության կոչ է արել։
«Պետքարտուղարը կոչ է արել զսպվածության, ապաէսկալացիայի և դիվանագիտության նորացման։ Պետքարտուղարը խրախուսել է խաղաղության բանակցությունները Հայաստանի և Ադրբեջանի միջև, այդ թվում՝ ապրիլի 6-ին նախատեսված նախագահ Ալիևի և վարչապետ Փաշինյանի հանդիպմանը Եվրոպական խորհրդի նախագահ Միշելի հետ։ Նա վերահաստատել է, որ Միացյալ Նահանգները պատրաստ է տևական համապարփակ խաղաղության հասնելու հարցում օգնել երկրներին՝ երկկողմ ձևաչափում և աշխատելով նույն կերպ մտածող գործընկերների հետ, այդ թվում՝ ԵԱՀԿ Մինսկի խմբի համանախագահի դերակատարման միջոցով»,- ասվում է հաղորդագրության մեջ։
Հավելենք, որ Էնթոնի Բլինքենը նախօրեին հեռախոսազրույց էր ունեցել նաև ՀՀ վարչապետ Նիկոլ Փաշինյանի հետ։
Էմմա Չոբանյան
