24.06.2026 | 14:40
Մարգարիա Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
Պատերազմը՝ թվերով․ Ուկրաինայի և ՌԴ-ի կորուստները 42-րդ օրվա դրությամբ. ՏԵՍԱՆՅՈւԹ
Քաղաքականություն
06.04.2022 | 18:45
Ռուս-ուկրաինական պատերազմի ավարտը դեռ չի նշմարվում, իսկ կողմերի մարդկային և զինտեխնիկայի կորուստներն օր օրի աճում են։ Ըստ ամերիկացի գեներալ Մարկ Միլիի՝ սա ձգձգվող հակամարտություն է, որը կարող է տարիներ տևել։ Մինչ այդ Ուկրաինայի Զինված ուժերի գլխավոր շտաբը պնդում է՝ ռուսական կողմը ռազմական գործողությունների մեկնարկից ի վեր ունեցել է ավելի քան 18 600 զոհ։ Ըստ ուկրաինական կողմի՝ փոքր չեն նաև զինտեխնիկայի և զենք-զինամթերքի կորուստները։ Պաշտոնական Կիևի տվյալներով ոչնչացվել է ռուսական բանակին պատկանող 150 ինքնաթիռ, 135 ուղղաթիռ, 684 տանկ, 1861 զրահամեքենա, 332 հրետանային համակարգ, 55 հակաօդային պաշտպանության համակարգ, 96 անօդաչու, 107 համազարկային կրակի ռեակտիվ կայանք, 76 լցանավ՝ վառելիքով և քսանյութերով, 7 թեթև արագընթաց նավ, 25 միավոր հատուկ տեխնիկա և 4 օպերատիվ-մարտավարական հրթիռային համակարգ։
Ռուսաստանի Պաշտպանության նախարարությունը զերծ է մնում ուկրաինական կողմի զոհերի թվին անդրադառնալուց։ Փոխարենը, պարբերաբար հայտնում է զինտեխնիկայի կորուստների մասին։ Ըստ ՌԴ ՊՆ-ի հրապարակած տվյալների՝ պատերազմի մեկնարկից մինչ օրս ռուսական կողմը ոչնչացրել է ուկրաինական բանակի 125 ինքնաթիռ, 93 ուղղաթիռ, 407 անօդաչու թռչող սարք, 227 զենիթահրթիռային համակարգ, 1981 տանկ և այլ զրահատեխնիկա, 215 համազարկային կրակի ռեակտիվ կայանք, 854 դաշտային հրետանային համակարգ և ականանետ, ինչպես նաև 1882 միավոր հատուկ ռազմական մեքենա։
Ուկրաինական կողմի զոհերի մասին հայտնում է ՄԱԿ-ի Մարդու իրավունքների գերագույն հանձնակատարի գրասենյակը, նշելով՝ Ուկրաինայում պատերազմի սկզբից ի վեր 1480 խաղաղ բնակիչ է զոհվել, 2195-ը՝ վիրավորվել։ Սրանք միայն հաստատված դեպքերն են, իրական թիվը կարող է ավելի մեծ լինել, շեշտում է գրասենյակը։ Նշվում է, որ մահվան դեպքերի մեծ մասը գրանցվել է խոցման մեծ տարածք ունեցող պայթուցիկ նյութերի ու սպառազինության կիրառման հետևանքով։
Մանրամասները՝ տեսանյութում։
Ռոզա Վարդանյան
