16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Բացահայտվել է հանցագործության 93 դեպք, որից 9-ը՝ նախկինում կատարված
Հասարակություն
06.04.2022 | 13:18
Ըստ ոստիկանության օպերատիվ հաղորդագրությունների ամփոփագրերի՝ ապրիլի 5-ից 6-ը Հայաստանի Հանրապետության ոստիկանության ստորաբաժանումները բացահայտել են հանցագործության 93 դեպք, որից 9-ը՝ նախկինում կատարված. տեղեկացնում են ՀՀ ոստիկանությունից։
Մասնավորապես՝ անձնական ունեցվածքի գողության՝ 24, ծանր վիրավորանքի՝ 15, խարդախության՝ 10, մարմնական վնասվածք պատճառելու՝ 9, թմրամիջոցի հայտնաբերման՝ 6, պաշտոնեական լիազորությունների չարաշահման և բնակարանային գողության՝ 3-ական, կողոպուտի, յուրացնելու կամ վատնելու և թմրանյութի իրացման՝ 2-ական, սպանության, հարկերից խուսափելու, զենք-զինամթերքի առգրավման, համակարգչային հանցագործության, փաստաթուղթ կեղծելու, 16 տարին չլրացած անձի նկատմամբ անառակաբարո գործողություններ կատարելու, ընտանեկան բռնության և բռնություն գործադրելու կոչի՝ 1-ական դեպք։
Հայտնաբերվել է 8 հետախուզվող։Կամավոր ներկայացել է 4 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է մարմնական վնասվածք պատճառելու 2 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 14 մարդ ստացել է տարբեր աստիճանի մարմնական վնասվածքներ:
