06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Պատերազմի վճռորոշ փուլն է․ Ստոլտենբերգը հայտարարել է, որ ՌԴ-ն կփորձի գրավել Դոնբասի ամբողջ շրջանը
Քաղաքականություն
05.04.2022 | 20:20
ՆԱՏՕ-ն սպասում է, որ Ռուսաստանը շատ կենտրոնացած հարձակում է գործելու Ուկրաինայի արևելքի վրա՝ նպատակ ունենալով գրավել Դոնբասի ամբողջ շրջանը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է CNN-ը։
«Այժմ մենք տեսնում ենք զորքերի զգալի տեղաշարժ Կիևից՝ վերախմբավորվելու, վերազինվելու և մատակարարելու նպատակով, և կենտրոնացում դեպի արևելք: Առաջիկա շաբաթների ընթացքում մենք կանխատեսում ենք Ռուսաստանի հետագա ճնշում Ուկրաինայի արևելքում և հարավում, որը կփորձի գրավել ողջ Դոնբասը և ցամաքային կամուրջ ստեղծել դեպի օկուպացված Ղրիմ»,- ասել է Ստոլտենբերգը՝ նշելով, որ սա պատերազմի վճռորոշ փուլն է։
Նա նաև հայտնել է, որ Ուկրաինայի ԱԳ նախարարը միանալու է ՆԱՏՕ-ի ԱԳ նախարարների բրյուսելյան գագաթնաժողովին, որի ընթացքում դաշնակիցները քննարկելու են Կիևին օգնելու հետագա հնարավորությունները։
«Մեր դաշնակիցները վճռական են՝ տրամադրել Ուկրաինային հետագա աջակցություն, ներառյալ՝ հակատանկային զենքեր, հակաօդային պաշտպանության համակարգեր և այլ սարքավորումներ»,- ասել է Ստոլտենբերգը։
Էմմա Չոբանյան
