20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Բաքուն փորձում է հայկական Շուշիի և հունգարական Վեսպրեմի միջև մշակութային համագործակցություն հաստատել
Քաղաքականություն
05.04.2022 | 19:54
Ադրբեջանը շարունակում է Արցախի գրավյալ Շուշին հայկականությունից զրկելու պետական քաղաքականությունը։ Մասնավորապես, այժմ էլ Ադրբեջանի իշխանությունները փորձում են մշակույթի ոլորտում համագործակցություն հաստատել հայկական Շուշի և հունգարական Վեսպրեմ քաղաքների միջև։ Այս մասին «Ինտերֆաքս»-ի ադրբեջանական ծառայությանը հայտնել է Ադրբեջանի կառավարության աղբյուրը։
Նշվում է, որ հարցը քննարկվել է փետրվարի սկզբին Բաքվում կայացած միջկառավարական հանձնաժողովի 8-րդ նիստում։
«Կողմերը պայմանավորվել են մշակութային համագործակցության կազմակերպման համար առաջարկներ պատրաստել Շուշիի և Վեսպրեմի միջև, որը Հունգարիայի հնագույն քաղաքներից է»,- ասել է լրատվամիջոցի աղբյուրը։
Նրա խոսքով՝ Բաքվի և Բուդապեշտի միջև դիվանագիտական հարաբերությունների հաստատման 30-ամյակի կապակցությամբ կողմերը պատրաստակամություն են հայտնել առավել ամրապնդել հարաբերությունները մշակութային դիվանագիտության և միմյանց մշակույթի փոխադարձ առաջմղման, այդ թվում՝ միջոցառումների փոխանակման ոլորտում։
Բացի այդ, Ադրբեջանն ու Հունգարիան նախատեսում են զբոսաշրջության ոլորտում համագործակցության զարգացման մի շարք միջոցներ ձեռնարկել։
Հավելենք, որ օրերս էլ Թյուրքական մշակույթի միջազգային կազմակերպությունը՝ TURKSOY-ը, հայկական Շուշի քաղաքը հռչակել է «2023թ․ Թյուրքական աշխարհի մշակութային մայրաքաղաք»։
Էմմա Չոբանյան
