18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ՄԱԿ-ի տվյալներով՝ Ուկրաինայում 7,1 մլն ներքին տեղահանված կա
Քաղաքականություն
05.04.2022 | 20:51
ՄԱԿ-ը հայտնում է, որ ավելի քան 7,1 միլիոն մարդ Ուկրաինայում ներքին տեղահանված է դարձել Ռուսաստանի սանձազերծած պատերազմի պատճառով։ Նրանք լքել են իրենց տները, բայց մնացել են երկրում, փոխանցում է France 24-ը։
ՄԱԿ-ի Միգրացիայի միջազգային կազմակերպության կողմից հրապարակված ցուցանիշը գերազանցում է մարտի 16-ին ՄՄԿ-ի առաջին ուսումնասիրության ժամանակ գնահատված 6,48 միլիոն ներքին տեղահանված անձանց թիվը։
«Մարդիկ շարունակում են լքել իրենց տները պատերազմի պատճառով, իսկ հումանիտար կարիքները տեղում շարունակում են աճել»,- ասել է ՄՄԿ գլխավոր տնօրեն Անտոնիո Վիտորինոն:
Նշվում է, որ պատերազմի մեկնարկից ի վեր 4,2 մլն ուկրաինացի էլ լքել է երկիրը, իսկ 2,9 մարդ դիտարկում է իր տունը լքելու հնարավորությունը։
Ինչ վերաբերում է մարդկանց իրենց տներում մնալու պատճառներին, 16 տոկոսն ասել է, որ իրենց համար անվտանգ չէ հեռանալը. 6 տոկոսն ասել է, որ չի ցանկանում թողնել ընտանիքի անդամներին, 3 տոկոսն ասել է, որ չգիտի ուր գնալ, իսկ 1 տոկոսը նշել է, որ չի կարող հեռանալ առողջական խնդիրների պատճառով: Այս հարցումն օգտագործվում է ՄՄԿ-ի կողմից՝ ներքին տեղաշարժի և շարժունակության վերաբերյալ խնդիրները հավաքագրելու և Ուկրաինայում մարդասիրական կարիքները գնահատելու համար:
Էմմա Չոբանյան
