16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Զելենսկին հայտարարել է, որ Ուկրաինային անհրաժեշտ են «լուրջ խաղացողներ», երբ հարցը վերաբերում է անվտանգության երաշխիքներին
Քաղաքականություն
05.04.2022 | 14:43
Ուկրաինան լուրջ խաղացողների կարիք ունի, երբ հարցը վերաբերում է անվտանգության երաշխիքներին։ Այս մասին հայտարարել է Ուկրաինայի նախագահ Վլադիմիր Զելենսկին, գրում է CNN-ը։
Ուկրաինական լրատվամիջոցներին տված հարցազրույցում Զելենսկին ասել է, որ Կիևը դեռ չի ստացել «այն երկրների կոնկրետ ցուցակը, որոնք պատրաստ են 100%-ով պաշտպանել իրենց»:
Նա նշել է, որ Ուկրաինան ներկայում անվտանգության երաշխիքների հարցը քննարկում է ԱՄՆ-ի, Ֆրանսիայի, Գերմանիայի, Թուրքիայի, Մեծ Բրիտանիայի և Լեհաստանի հետ։
«Մենք լուրջ խաղացողների կարիք ունենք, որոնք պատրաստ են գնալ մինչև վերջ։ Մենք կարիք ունենք երկրների շրջանակի, որ 24 ժամվա ընթացքում մեզ ցանկացած զենք կտրամադրեն»,- ասել է Զելենսկին՝ հավելելով, որ դրանք պետք է լինեն պետություններ, որոնք «իրական ազդեցություն կունենան պատժամիջոցների քաղաքականության վրա», և որոնք պատրաստ լինեն մոբիլիզացվել, «հենց որ Կիևը որևէ սպառնալիք լսի Ռուսաստանի Դաշնությունից»։
Էմմա Չոբանյան
