19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
ԱՄՆ պետքարտուղարի տեղակալն ու Էրդողանի խորհրդականը քննարկել են Հարավային Կովկասում ապաէսկալացիան․ անդրադարձ է եղել Հայաստանին
Քաղաքականություն
05.04.2022 | 13:16
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Այցով Անկարայում գտնվող ԱՄՆ պետքարտուղարի քաղաքական հարցերով տեղակալ Վիկտորյա Նուլանդը հանդիպել է Թուրքիայի նախագահի մամուլի խոսնակ և գլխավոր խորհրդական Իբրահիմ Քալընի հետ, գրում է «Անադոլու» գործակալությունը։
Թուրքական կողմի տարածած հաղորդագրության համաձայն՝ քննարկման ժամանակ անդրադարձ է եղել նաև Հայաստանին։
«Մայրաքաղաք Անկարայի նախագահական համալիրում կայացած հանդիպման ժամանակ Թուրքիայի նախագահի խոսնակ Իբրահիմ Քալընը և ԱՄՆ պետքարտուղարի քաղաքական հարցերով տեղակալ Վիկտորյա Նուլանդը քննարկել են այնպիսի հարցեր, ինչպիսիք են Սիրիան, Ադրբեջանը, Հայաստանը և Իսրայելը, էներգետիկ անվտանգությունը, պաշտպանական համագործակցությունը, երկկողմ քաղաքական և տնտեսական հարաբերությունները»,- ասվում է Քալընի գրասենյակի տարածած հաղորդագրության մեջ։
Քննարկմանը նշվել է, որ մարտի 29-ին Ստամբուլում կայացած ռուս-ուկրաինական բանակցությունները «դրական թափ» են հաղորդել խաղաղության ջանքերին, և Թուրքիան կարևոր դեր է խաղում Ռուսաստանի և Ուկրաինայի միջև պատերազմի ավարտի հարցում: Քալընը Նուլանդին ասել է, որ Թուրքիան շարունակելու է դիվանագիտական նախաձեռնությունները հրադադարի ու հումանիտար միջանցքների բացման համար։
Երկուստեք գոհունակություն է հայտնվել նաև վերջերս հայտարարված Թուրքիա-ԱՄՆ ռազմավարական մեխանիզմի ներդրման առնչությամբ՝ ընդգծելով, որ դա դրական ազդեցություն կունենա երկկողմ հարաբերությունների ընթացքի վրա։
Վիկտորյա Նուլանդն իր հերթին բանակցությունների մասին թվիթերյան հետևյալ գրառումն է արել․ «Շնորհակալություն Թուրքիայի նախագահի խոսնակ Իբրահիմ Քալընին լավ քննարկման համար ԱՄՆ-ի և Թուրքիայի ջանքերի՝ Ուկրաինային աջակցության, տարածաշրջանային հումանիտար ու անվտանգային հարցերի, Հարավային Կովկասում ապաէսկալացիայի և ՆԱՏՕ-ի միասնության շուրջ»։
Էմմա Չոբանյան
