16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Լիտվան Վիլնյուսից վտարում է ՌԴ դեսպանին և Մոսկվայից հետ կանչում իր դեսպանին
Քաղաքականություն
04.04.2022 | 18:54
Վիլնյուսում ՌԴ դեսպանը պետք է հեռանա Լիտվայից, իսկ ահա Ռուսաստանի Դաշնությունում Լիտվայի դեսպանը հետ է կանչվում Մոսկվայից։ Այս մասին հայտարարել է Լիտվայի ԱԳ նախարար Գաբրիելիուս Լանդսբերգիսը, գրում է ՏԱՍՍ-ը։
«Լիտվայի կառավարությունը, արձագանքելով Ուկրաինայում Ռուսաստանի շարունակվող ագրեսիվ գործողություններին, որոշել է իջեցնել դիվանագիտական առաքելության կարգավիճակը։ Ռուսաստանի դեսպանը ստիպված կլինի լքել Լիտվան»,- ասել է նա։
ԱԳՆ ղեկավարի խոսքով՝ Մոսկվայում Լիտվայի դեսպանն էլ իր հերթին «շուտով կվերադառնա Վիլնյուս»։
Կառավարության որոշմամբ՝ նաև փակվելու է Կլայպեդում ՌԴ գլխավոր հյուպատոսությունը։ Լիտվայի ԱԳ նախարարը նշել է, որ այդ որոշման մասին տեղեկացրել են Եվրամիության և ՆԱՏՕ-ի իրենց գործընկերներին։
Էմմա Չոբանյան
