ՄԱԿ-ի մարդու իրավունքների գերագույն հանձնակատարը կոչ է արել հետաքննել Բուչայում ստեղծված իրավիճակը

Լուրեր

22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
Բոլորը

ՄԱԿ-ի մարդու իրավունքների գերագույն հանձնակատար Միշել Բաչելեթը կոչ է արել հետաքննել ուկրաինական Բուչա քաղաքում ստեղծված իրավիճակը։ Երկուշաբթի տարածված հայտարարության մեջ նա նշել է, որ «սարսափել է գետնին ընկած խաղաղ քաղաքացիների դիերի տեսարանից», և որ նրանց «մահվան ստույգ պատճառը պետք է պարզվի»:

«Չափազանց կարևոր է, որ բոլոր ջանքերը գործադրվեն՝ Բուչայում տեղի ունեցածի անկախ և արդյունավետ հետաքննություն ապահովելու համար», – ասել է Բաչելեթը։

Նա հավելել է, որ քաղաքից և այլ վայրերից ստացվող զեկույցները «լուրջ հարցեր են բարձրացնում հնարավոր պատերազմական հանցագործությունների» և միջազգային մարդասիրական իրավունքի ու մարդու իրավունքների խախտումների վերաբերյալ։

Ըստ ՄԱԿ-ի գերագույն հանձնակատարի՝ դիերը «պետք է արտաշիրմվեն և նույնականացվեն, որպեսզի ընտանիքները տեղեկացվեն և պարզեն մահվան ստույգ պատճառը»:

«Մենք պետք է ձեռնարկենք բոլոր միջոցները՝ ապացույցները պահպանելու համար»,- եզրափակել է նա։

Նշենք, որ նախօրեին թե՛ Ուկրաինան, թե՛ Ռուսաստանը պահանջել էին հրավիրել ՄԱԿ-ի Անվտանգության խորհրդի արտակարգ նիստ՝ քննարկելու Բուչայում տեղի ունեցած իրադարձությունները, որոնք երկու հակամարտող կողմերը հակառակ կերպ են նկարագրում։

Ուկրաինայի նախագահ Վլադիմիր Զելենսկին իր երեկոյան ելույթում հայտարարել էր, որ «ռուսական օկուպացիայի ժամանակ Բուչայում և այլ քաղաքներում ռազմական հանցագործությունները երեքշաբթի ՄԱԿ-ի Անվտանգության խորհրդում քննարկման առարկա կդառնան»։

Սակայն ավելի ուշ ՄԱԿ-ում Ռուսաստանի ներկայացուցչի տեղակալ Դմիտրի Պոլյանսկին Telegram-ում գրել է, որ Ռուսաստանը պահանջում է, որ այդ հանդիպումը անցկացվի մեկ օր շուտ՝ երկուշաբթի, սակայն Բրիտանիան մերժել է ՌԴ-ի պահանջը։