Ազգային ժողովում լրագրողների հետ զրույցում ՀՀ պաշտպանության փոխնախարար Արման Սարգսյանն անդրադառնալով հարցին, թե արդյոք խաղաղապահների գործողություններն Արցախում ուսումնասիրվում են, թե ոչ, պատասխանեց, որ այդպիսի զգայուն թեմաների շուրջ պետք է խոսեն պատկան մարմինները. «Ես կարող եմ խոսել այն մասին, թե ինչ վիճակ է այս պահին. արցախա-ադրբեջանական սահմանին իրավիճակը շարունակում է մնալ կայուն լարված»:
Պաշտպանության փոխնախարարը վստահեցրեց՝ այս պահին Արցախում մեծ բախումներ չկան. «Սակայն յուրաքանչյուր պահի հնարավոր է, որ էսկալացիայի ալիքը մեծանա, որովհետև մեր խաղաղությունը փխրուն է: Այս պահին աշխարհում տեղի ունեցող իրադարձություններով պայանավորված՝ չի բացառվում, որ որևէ պետություն փորձի իրավիճակը ապակայունացնել»։
Մանրամասները՝ տեսանյութում:
