29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԵՄ-ն քննարկելու է ՌԴ-ի դեմ նոր պատժամիջոցների փաթեթը․ The Financial Times
Քաղաքականություն
04.04.2022 | 13:07
Եվրամիությունը դիտարկում է ՌԴ-ի դեմ լրացուցիչ պատժամիջոցների կիրառման հարցը, առաջարկները քննարկվելու են չորեքշաբթի։ Այս մասին հայտնում է The Financial Times-ը, որին վկայակոչում է Busniess Standard-ը։
«Եվրամիության հետագա պատժամիջոցներն ու աջակցությունը ճանապարհին են»,-թվիթերյան իր էջում գրել է Եվրոպական խորհրդի նախագահ Շառլ Միշելը։
The Financial Times-ն էլ, վկայակոչելով ծրագրերին տեղյալ դիվանագետի, նշում է, որ ԵՄ դեսպանները չորեքշաբթի քննարկելու են նոր հակառուսական պատժամիջոցների հարցը։
Նշվում է, որ նոր սահմանափակումները կարող են ուղղված լինել ֆիզիկական անձանց դեմ, բայց կարող են ներառել նաև արգելք ռուսական նավերի համար, որոնք օգտագործում են ԵՄ նավահանգիստները: Հնարավոր են նաև արտահանման և էներգակիրների մատակարարման սահմանափակումներ։
Նախօրեին էլ Իտալիայի ԱԳ նախարար Լուիջի դի Մարիոն ասել էր, որ Արևմտյան երկրները կարող են նոր պատժամիջոցներ սահմանել Ռուսաստանի դեմ Բուչայի դեպքերի պատճառով։
Էմմա Չոբանյան
