08.02.2026 | 16:40
Ռուսաստանը գիշերը ավելի քան 100 դրոնով հարձակվել է Ուկրաինայի վրա. DW
Սերբիայի նախագահ Վուչիչը հաղթում է ընտրություններում
Քաղաքականություն
04.04.2022 | 13:15
Սերբիայում ապրիլի 3-ին կայացած խորհրդարանական ընտրությունների քվեաթերթիկների ավելի քան 82 տոկոսը մշակելուց հետո հաղթում է նախագահ Ալեքսանդր Վուչիչի իշխող Սերբական առաջադիմական կուսակցության (ՍՊԿ) գլխավորած «Միասին ամեն ինչ կարող ենք» կոալիցիան՝ հավաքելով ձայների 44,4 տոկոսը, գրում է DW-ի ռուսական ծառայությունը։
Արդեն պարզ է, որ Վուչիչը կպահպանի նաև նախագահի պաշտոնը։ Խորհրդարանական ընտրությունների հետ զուգահեռ՝ նա, նախնական տվյալներով, ստանում է ձայների մոտ 60 տոկոսը։ Նրա մերձավոր մրցակից Զդրավկո Պոնոշը հավաքել է ձայների մոտ 17 տոկոսը։ Նշվում է, որ Վուչիչը կդառնա Սերբիայի առաջին նախագահը, որը հաղթում է երկրորդ ժամկետով։
Սերբիայում խորհրդարանական և նախագահական ընտրությունները կայացել են Ուկրաինայում Ռուսաստանի սանձազերծած պատերազմի ֆոնին։ Նախագահ Վուչիչը նախընտրական քարոզարշավի ժամանակ խոստացել է «խաղաղություն» և «կայունություն»։ Նախկինում այնպիսի կարևոր թեմաները, ինչպիսիք են շրջակա միջավայրի պաշտպանությունը և կոռուպցիան, պատերազմի պատճառով հետին պլան են մղվել:
Ալեքսանդր Վուչիչի գլխավոր մրցակիցը Սերբիայի ԶՈՒ գլխավոր շտաբի նախկին պետ Զդրավկո Պոնոսն է, որին աջակցում է եվրոպամետ ընդդիմությունը։ Փորձագետները, սակայն, կարծում են, որ նա չի կարողանա հաղթել Վուչիչին, որն ամրապնդել է իր իշխանությունը 2017 թվականին նախագահ ընտրվելուց հետո։ Վուչիչն արդյունավետորեն վերահսկում է Սերբիայի ԶԼՄ-ները և պետական հաստատությունները։
Տաթև Ֆռանգյան
