06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
ՄԱԿ-ը հրապարակել է Ուկրաինայում խաղաղ բնակչության կորուստների թիվը
Քաղաքականություն
04.04.2022 | 10:52
Ուկրաինայում Ռուսաստանի Դաշնության ռազմական գործողության հետևանքով վերջին տվյալներով զոհվել է 1417, վիրավորվել՝ 2038 խաղաղ բնակիչ։ Այս մասին ասվում է ՄԱԿ-ի Մարդու իրավունքների գերագույն հանձնակատարի գրասենյակի ապրիլի 3-ի զեկույցում։
Դոնեցկի և Լուգանսկի մարզերում կա 468 զոհ և 1036 վիրավոր, ևս 67-ը սպանվել է, 252-ը՝ վիրավորվել՝ Լուգանսկի ու Դոնեցկի ինքնահռչակ հանրապետությունների կողմից վերահսկվող տարածքում։
Կիևի, Չերկասի, Չեռնիգովի, Խարկովի, Խերսոնի, Կիևի, Նիկոլաևի, Օդեսայի Սումիի, Զապորոժիեի, Դնեպրոպետրովսկի և Ժիտոմիրի մարզերում կա 949 զոհ և 1002 վիրավոր։
Նշվում է, որ խաղաղ բնակչության շրջանում կորուստները առավելապես պայմանավորված են խոցման մեծ տարածք ունեցող պայթուցիկ զենքի կիրառմամբ։ ՄԱԿ-ն ավելի վաղ հաղորդել էր, որ Ուկրաինայում լայնամասշտաբ պատերազմի սկզբից ի վեր մահացել է 158 երեխա։
