16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Սերբիայում ընթանում են նախագահական և խորհրդարանական ընտրությունները
Քաղաքականություն
03.04.2022 | 17:53
Սերբիայի նախագահական և խորհրդարանական ընտրություններին մասնակցությունը կազմել է 31,56 տոկոս տեղական ժամանակով ժամը 14:00-ին: Այս մասին մամուլի ասուլիսի ժամանակ հայտնել է Հանրապետական վիճակագրական վարչության տնօրեն Միլադին Կովաչևիչը։
Հանրապետական ընտրական հանձնաժողովի նախագահ Վլադիմիր Դիմիտրիևիչի խոսքով ՝ վերջին ժամերին շատ ընտրատեղամասերում հերթեր են արձանագրվում քվեարկելու ցանկություն ունեցողներից, ուստի երեկոյան ժամերին սպասվում է մասնակցության աճ:
Նախագահական և արտահերթ խորհրդարանական ընտրությունները մեկնարկել են տեղական ժամանակով ժամը 07:00-ին: Միաժամանակ ընթանում են Բելգրադի քաղաքային խորհրդի, ինչպես նաև սերբական 12 մունիցիպալիտետների խորհրդի ընտրությունները:
Չճանաչված Կոսովոյի իշխանությունների դեմարշի պատճառով նախագահական և խորհրդարանական ընտրությունների քվեարկությունն առաջին անգամ չի կայանա Սերբիայի ինքնավար Կոսովոյի և Մետոհիայի նահանգի տարածքում։ Կոսովոյի սերբերը ստիպված կլինեն մեկնել Կենտրոնական Սերբիա, որպեսզի օգտվեն իրենց ընտրության սահմանադրական իրավունքից։
Ընտրատեղամասերը կփակվեն 20:00-ին: Ընտրությունների արդյունքները պետք է հայտարարվեն ընտրատեղամասերի փակումից հետո 96 ժամվա ընթացքում։
