17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Անդրանիկ Փիլոյանը տեղափոխվել է «Երևան-Կենտրոն» ՔԿՀ
Հասարակություն
01.04.2022 | 17:04
Արկարագ իրավիճակների նախարար Անդրանիկ Փիլոյանը տեխափոխվել է «Երևան-Կենտրոն» քրեակատարողական հիմնարկ: «Արմենպրես»-ի հետ զրույցում այս մասին ասացին Քրեակատարողական ծառայության հանրային կապերի բաժնից:
Փիլոյանին կալանավորելու դեմ վերաքննիչ բողոք կներկայացվի:Այս մասին «Արմենպրես»-ին հայտնել է Փիլոյանի պաշտպան Տիգրան Սարգսյանը:
«Առաջին ատյանի դատարանի որոշումը ստացել ենք և այն պետք է բողոքարկենք»,- նշել է Սարգսյանը:
Հիշեցնենք, որ ըստ Հակակոռուպցիոն Կոմիտեի՝ նախարարը և ԱԻ նախարարության 10-ից ավելի աշխատակիցներ մեղադրվում են խոշոր ու առանձնապես խոշոր չափերով կաշառք ստանալու, դրան օժանդակելու, պաշտոնեական դիրքը չարաշահելու, խարդախության եղանակով խոշոր չափերով հափշտակություն կատարելու, ինչպես նաև խոշոր և առանձնապես խոշոր չափերով ապօրինի վարձատրություն ստանալու, տալու և այլ չարաշահումների համար։
Կոռուպցիոն գործի շրջանակներում մեղադրանք է առաջադրվել Արտակարգ իրավիճակների նախարարության ևս 8 տարբեր պաշտոնյաների, նրանց նկատմամբ ևս որպես խափանման միջոց է ընտրվել կալանավորումը: ՀՀ ԱԻՆ աշխատակիցներից 10 անձ ունի կասկածյալի դատավարական կարգավիճակ: Նրանց նկատմամբ որպես խափանման միջոց է ընտրվել ստորագրությունը չհեռանալու մասին:
