06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինայում ռուսական կողմը հարձակումներ է իրականացրել հացահատիկի պահեստների վրա․ Reuters
Քաղաքականություն
01.04.2022 | 16:22
Ուկրաինա ռուսական ներխուժումից ի վեր երկրի արևելյան մասում մի շարք ցորենի պահեստներ են վնասվել։ Այս մասին վկայում են ԱՄՆ կառավարության լուսանկարները, որոնց ծանոթացել է Reuters գործակալությունը։
Լրատվամիջոցը գրում է, որ երկու լուսանկարներում երևում են երկար շինություններ արևելյան Ուկրաինայում, որոնք հունվարին վնասված չէին, իսկ մարտին՝ արդեն վնասված։
Ամերիկացի պաշտոնյան, մեկնաբանելով գաղտնազերծված պատկերները, ասել է, որ Միացյալ Նահանգները տեղեկություններ ունի, որ ռուսական ուժերը բազմիցս վնասում են Ուկրաինայի արևելքում հացահատիկի պահեստարանները:
«Մարտի վերջի դրությամբ այդ հարձակումների հետևանքով վնասվել է հացահատիկի առնվազն վեց պահեստարան»,- ասել է պաշտոնյան։
Այս զարգացումը տեղի է ունենում այն իրավիճակի ֆոնին, որ ամբողջ աշխարհի պաշտոնյաները մտահոգություն են հայտնում սննդի մատակարարումներում պատերազմի հետևանքների հետ կապված, քանի որ Ուկրաինան 2020-21 թվականներին աշխարհում հացահատիկի չորրորդ խոշորագույն արտահանողն է։
«Ռուսաստանի կողմից հացահատիկի սիլոսների անխոհեմ վնասումը հստակ օրինակ է այն բանի, թե ինչպես է Պուտինի պատերազմն ուղղակիորեն ազդում Ուկրաինայի խաղաղ բնակչության վրա և սպառնում պարենային անվտանգությանն ամբողջ աշխարհում»,- ասել է ԱՄՆ պաշտոնյան։
Նա հավելել է, որ Աֆրիկայի և Մերձավոր Արևելքի երկրները կախված են ուկրաինական ցորենի արտահանումից և սննդամթերքի այդ պաշարների ու պահեստավորման օբյեկտների ոչնչացումը կարող է հանգեցնել դեֆիցիտի և բարձրացնել գներն այդ երկրների՝ առանց այն էլ խոցելի տնտեսություններում։
Էմմա Չոբանյան
