16.12.2025 | 19:45
15 հզր էլեկտրոմոբիլ արտոնյալ պայմաններով կներմուծվի 2026-ին․ ինչ է արվելու հին մարտկոցների հետ. ՏԵՍԱՆՅՈՒԹ
Ռուսական ուժերը վերախմբավորվում են, առջևում մարտեր են․ Զելենսկի
Քաղաքականություն
01.04.2022 | 14:10
Ուկրաինայի նախագահ Վլադիմիր Զելենսկին զգուշացրել է, որ վերջին մի քանի օրվա ընթացքում Ռուսաստանի կողմից իր զորքերի դուրսբերումը երկրի հյուսիսից և կենտրոնից ընդամենը ռազմական մարտավարություն է՝ հարավ-արևելքում նոր հզոր հարձակումների համար ուժեր հավաքելու նպատակով, գրում է Euronews-ը:
«Մենք գիտենք նրանց մտադրությունները։ Մենք գիտենք, որ նրանք հեռանում են այն տարածքներից, որտեղ մենք հարվածում ենք նրանց, որպեսզի կենտրոնանան այլ՝ շատ կարևոր վայրերի վրա, որտեղ մեզ համար կարող է դժվար լինել»,- ասել է Զելենսկին ժողովրդին ուղղված գիշերային տեսաուղերձում։
«Առջևում մարտեր են»,- հավելել է նա։
Ե՛վ Չեռնիգովը, և՛ Կիևը ենթարկվում են շարունակական օդային և հրթիռային հարվածների՝ չնայած այդ տարածքներում ակտիվությունը նվազեցնելու մասին Ռուսաստանի պնդումներին: Աճող ակնարկներ կան, որ Մոսկվան օգտագործում է Ուկրաինայում ապաէսկալացիայի մասին հայտարարությունները որպես վերախմբավորելու պատրվակ՝ իր ուժերը համալրելու և դրանք վերաբաշխելու համար, որպեսզի երկրի արևելյան հատվածում ուժեղացված հարձակումներ իրականացնի: Միլիոնավոր մարդկանց փախստական դարձրած ու հազարավոր կյանքեր խլած 5 շաբաթ շարունակվող ռազմական գործողությունների դադարեցման շուրջ ՌԴ-ի և Ուկրաինայի միջև բանակցությունների հերթական փուլը նախատեսված է այսօր։
Տաթև Ֆռանգյան
