16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Զելենսկին երկու գեներալի է կոչումից զրկել
Քաղաքականություն
01.04.2022 | 12:58
Ուկրաինայի նախագահը հեռացրել է երկու գեներալի՝ նրանց անվանելով հակահերոսներ։ Այս մասին Վլադիմիր Զելենսկին ասել է հերթական տեսաուղերձում, գրում է CNN-ը։
«Այսօր հակահերոսների հետ կապված մեկ այլ որոշում է կայացվել, հիմա ես ժամանակ չունեմ բոլոր դավաճանների հետ գործ ունենալ, բայց աստիճանաբար նրանք բոլորը կպատժվեն»,-ասել է նա։
Կոչումից զրկված գեներալներն են Ուկրաինայի Անվտանգության ծառայության ներքին անվտանգության գլխավոր վարչության նախկին պետ Անդրեյ Նաումովը և Խերսոնի շրջանի Ուկրաինայի Անվտանգության ծառայության գրասենյակի նախկին ղեկավար Սերգեյ Կրիվոռուչկոն։
«Նրանք այն զինվորականների շարքում են, որոնք չեն որոշել, որտեղ է իրենց հայրենիքը, որոնք խախտել են ուկրաինացի ժողովրդին հավատարմության երդումը մեր պետության, նրա ազատության և անկախության պաշտպանության հարցում, անխուսափելիորեն կզրկվեն բարձրագույն զինվորական կոչումներից։ Պատահական գեներալներ չպետք է լինեն այստեղ»,-ասել է Զելենսկին։
Էմմա Չոբանյան
