16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Կորոնավիրուսի «ալֆա», «բետա» և «գամմա» շտամներն այժմ չափազանց հազվադեպ են հանդիպում․ ԱՀԿ
Քաղաքականություն
01.04.2022 | 15:53
Առողջապահության համաշխարհային կազմակերպությունը (ԱՀԿ) կորոնավիրուսի «օմիկրոն» և «դելտա» շտամը ներառել է ներկայում շրջանառվողների և մտահոգություն առաջացողների ցուցակում, մինչդեռ «ալֆա», «բետա» և «գամմա» շտամները դասվել են նախկինում շրջանառվողների խմբում։ Այս մասին ՏԱՍՍ-ի լրագրողին հայտնել են ԱՀԿ գրասենյակից՝ պարզաբանելով, որ երկու խմբի բաժանումը պայմանավորված է նրանով, որ «ալֆա», «բետա» և «գամմա» շտամներն այժմ չափազանց հազվադեպ են հանդիպում։
«Վերջին 90 օրվա ընթացքում այս տարբերակների սեկվենավորման վերաբերյալ գրեթե ոչ մի հաղորդում չի եղել»,- ասել են ԱՀԿ գրաենյակից։
Այդ պատճառով էլ SARS-CoV-2-ի էվոլյուցիայի վերաբերյալ ԱՀԿ փորձագետները մարտի 7-ին կայացած հանդիպման ժամանակ VOC կատեգորիայի շտամները բաժանել են երկու խմբի: «Ներկայում շրջանառվող» խումբը ներառում է «օմիկրոն» և «դելտա» շտամները, իսկ «ալֆա», «բետա» և «գամմա» շտամները վերագրվում են «նախկինում շրջանառվող» խմբին:
Տաթև Ֆռանգյան
