16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ադրբեջանում հայտնված ՀՀ քաղաքացու հարցով ԿՄԽԿ-ն երկխոսություն է սկսել
22.06.2017 | 15:01
Ըստ ադրբեջանական լրատվամիջոցների՝ հունիսի 21-ից Ադրբեջանում հայտնված հայաստանցու ճակատագրով Կարմիր խաչի միջազգային կոմիտեն զբաղվում է։ Այս մասին Factor.am-ի հետ զրույցում ասաց ԿԽՄԿ Հայաստանի գրասենյակի հաղորդակցման ծրագրերի ղեկավար Զառա Ամատունին:
«Կարմիր խաչի միջազգային կոմիտեն այս պահին երկխոսություն է վարում համապատասխան կողմերի հետ, որպեսզի համաձայն իր հանձնառության, հնարավորություն ստանա այցելելու ձերբակալված անձին, իսկ երբ խոսում ենք հանձառության մասին, ապա ցանկացած հակամարտության պայմաններում ԿՄԽԿ-ն գործելով, հիմնվում է միջազգային մարդասիրական իրավունքի նորմերի վրա և հնավորություն ունի այցելելու անձանց, որոնք պահվում են հակամարտության հետ կապված այս կամ այն կողմում»,- ասաց Ամատունին։
Հիշեցնենք, որ ըստ ադրբեջանական լրատվամիջոցների՝ սահմանը հատած քաղաքացին Նոյեմբերյանից է, սակայն Վանաձորի քաղաքապետ Մամիկոն Ասլանյանը երեկ լրատվամիջոցների հետ զրույցում ասել էր, որ քաղաքացին հաշվառված է Վանաձորի ծերանոցում։
