28.04.2026 | 15:37
Ժամանակավորապես կարգելվի Հանրապետության հրապարակի շրջանաձև երթևեկությունը
Կարեն Կարապետյանը դիմել է ՀՀ նախագահին՝ Նիկոլ Փաշինյանի հետ հանդիպման իր նախընտրած ձևաչափը ընտրելու համար
Քաղաքականություն
25.04.2018 | 00:09
Վարչապետի պաշտոնակատար Կարեն Կարապետյանի հայտարարությունը
Սիրելի՛ քաղաքացիներ,
Ինչպես գիտեք՝ վաղը պետք է տեղի ունենար իմ և Նիկոլ Փաշինյանի հանդիպումը ստեղծված իրավիճակը քննարկելու և լուծումներ փնտրելու համար:
Տեղեկացնում եմ, որ նախապես հայտարարված հանդիպումը տեղի չի ունենալու, քանի որ Նիկոլ Փաշինյանը միակողմանի առաջադրել է նոր պահանջներ` մասնավորապես` հանդիպման ձևաչափի, օրակարգի և լուսաբանման առումով: Վերջինիս կողմից առաջարկվել է մեր կողմից մասնակցող անձանց ցանկը, ինչպես նաև հայտարարվել, որ բանակցելու է բացառապես իր օրակարգի շուրջ: Սա նշանակում է ոչ թե բանակցություն կամ երկխոսություն, այլ բացառապես սեփական տեսակետը, օրակարգը հնչեցնել` ընդհուպ մինչև մեր փոխարեն մեր բանակցողներին որոշելով: Ունենալով որոշակի փորձառություն բանակցությունների վարման հարցում՝ երբևէ նման ձևաչափով բանակցությունների մասին չեմ լսել:
Մտահոգ լինելով ստեղծված իրավիճակով` որպես գործադիր իշխանության ղեկավար, ունենալով պարտավորություն ապահովել մեր երկրի բնականոն ռիթմը, դիմում եմ Հայաստանի Հանրապետության նախագահին իր նախընտրած ձևաչափով կազմակերպելու հանդիպում խորհրդարանական և արտախորհրդարանական քաղաքական ուժերի լայն սպեկտրի մասնակցությամբ` քննարկելու ստեղծված ներքաղաքական իրավիճակը և հնարավոր հանգուցալուծման ուղիները` ընդհուպ մինչև արտահերթ խորհրդարանական ընտրությունների անցկացում:
Հիշեցնենք, որ րոպեներ առաջ Նիկոլ Փաշինյանը ևս տեղեկացրել էր հանդիպման չեղարման մասին՝ նշելով՝ «Չի կարող այնպես պատահել, որ մենք Սերժ Սարգսյանի հրաժարականին հասնելով՝ հետևենք, թե ինչպես է Հանրապետականը սեփական լիդերին զոհաբերելով փորձում իշխանությունը պահպանել»:
Ապա ընդդիմադիր գործիչը տեսաուղերձով դիմել էր ժողովրդին՝ անհանզանդության գործողությունները վաղը ժամը 11-ին վերսկսելու կոչով:
