10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Գյումրիում սխալմամբ զբոսաշրջիկի են ծեծել, կարծելով՝ գող է
Հասարակություն
29.03.2022 | 17:37
Մարտի 24-ի գիշերը Գյումրու Գորկու փողոցում երեք երիտասարդներ ծեծի են ենթարկել Մոսկվայից Գյումրի ժամանած զբոսաշրջիկ Ռ․ Ջեյմսին։ Այս մասին տեղեկացանք ՀՀ ոստիկանության հասարակայնության հետ կապի և լրատվության վարչությունից։
«Օտարերկրացուն «քթի և դեմքի պատռած վերքեր» ախտորոշմամբ տեղափոխել են Գյումրի բժշկական կենտրոն, որտեղ ամբուլատոր բուժօգնություն ցուցաբերելուց, վերքերը մշակելուց հետո դուրս են գրել։ Նա հիվանդանոց չի պառկել, իր տվյալները ներկայացնելիս էլ՝ հաղորդակցման որոշակի դժվարություններ է ունեցել»,- Factor.am-ի հետ զրույցում ասաց Գյումրի բժշկական կենտրոնի փոխտնօրեն Արմեն Խաչատրյանը։ Հենց հիվանդանոցից էլ ահազանգել են ոստիկանություն։
Ոստիկանության Կումայրի բաժնում ցուցմունք է տվել Ռ․ Ջեյմսի ընկերուհին՝ Պ․ Կուզնեցովան, որը պատմել է, թե Ռ․ Ջեյմսը մարտի 24-ին, ժամը ժ.02.00-ի սահմաններում փողոց էր դուրս եկել իրենց կատվին փնտրելու։ Նրան հանդիպել են երեք երիտասարդներ, որոնց մեկը հարվածել է դեմքին, կարծելով, թե գող է։ Այնուհետ երիտասարդները ներողություն են խնդրել՝ ասելով, որ շփոթվել են։
ՀՀ ոստիկանության հասարակայնության հետ կապի և լրատվության վարչությունից նաև տեղեկացանք, որ ոստիկանության Կումայրի բաժնում նյութեր են նախապատրաստվում։ Զբոսաշրջիկին մարմնական վնասվածք պատճառած երիտասարդները դեռ հայտնաբերված չեն, միջոցներ են ձեռնարկվել նրանց հայտնաբերելու ուղղությամբ։
Արմիկ Մովսիսյան
