14.09.2026 | 10:00
ԱԺ քառօրյայի մեկնարկը` ՈՒՂԻՂ
Ֆրանսիան կոչ է արել Ադրբեջանին հետ քաշել զորքերը սկզբնական դիրքեր՝ համաձայն 2020 թ. նոյեմբերի 9-ի հայտարարության
Քաղաքականություն
26.03.2022 | 10:57
Ֆրանսիայի արտաքին գործերի նախարարությունը հայտարարություն է տարածել Լեռնային Ղարաբաղում տեղի ունեցող վերջին զարգացումների առնչությամբ:
Հայտարարությունը՝ ստորև.
«Ֆրանսիան ափսոսում է Լեռնային Ղարաբաղում տեղի ունեցած միջադեպերի առնչությամբ, մասնավորապես՝ Փարուխի և Խրամորթի շրջաններում զինված միջադեպերի ու զորքերի տեղաշարժի։ Եվ պահանջում է, որ այն ուժերը, որոնք առաջ են եկել, հետ քաշվեն իրենց սկզբնական դիրքերը՝ համաձայն 2020 թվականի նոյեմբերի 9-ի հրադադարի մասին հայտարարության։
Այն նաև ի գիտություն է ընդունել Լեռնային Ղարաբաղի բնակչության գազամատակարարման նոր խափանման տեղեկությունը և խնդրում է վերականգնել այն:
Ֆրանսիայի արտաքին գործերի նախարարը հայ և ադրբեջանցի գործընկերների հետ իր վերջին հանդիպումների ժամանակ բարձրացրել է այս հարցը և կոչ արել հնարավորինս շուտ վերականգնել գազամատակարարումը՝ նշելով, որ եղանակային պայմանները խիստ են, իսկ գազամատակարարումը բնակչության համար՝ կենսական:
Ֆրանսիան մշտական կապի մեջ է Հայաստանի և Ադրբեջանի հետ՝ խթանելու համար երկխոսությունը և առաջընթացը քննարկվող տարբեր թեմաների շուրջ»,- ասված է հայտարարությունում:
