06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Թուրքիան ՆԱՏՕ-ի դաշնակիցներին խնդրում է դադարեցնել պաշտպանական արդյունաբերության դեմ էմբարգոն
Քաղաքականություն
25.03.2022 | 22:36
Թուրքիայի նախագահ Ռեջեփ Թայիփ Էրդողանը ՆԱՏՕ-ի դաշնակիցներին կոչ է արել չեղարկել Անկարայի պաշտպանական արդյունաբերության դեմ պատժամիջոցները, գրում է Middle East Eye-ը։
Բրյուսելում ՆԱՏՕ-ի գագաթնաժողովւց հետո Էրդողանն ասել է, որ դաշինքի «համատեղ շահերից է բխում վերացնել սահմանափակումները, որոնք դրվել են պաշտպանական արդյունաբերության վրա որոշ դաշնակիցների կողմից»:
«Ես կիսվել եմ իմ ակնկալիքներով առաջնորդների հետ: Քողարկված կամ բացահայտ էմբարգոն նույնիսկ չպետք է լինի դաշնակիցների թեմա»,- ասել է նա։
Հավելենք, որ Կանադան Արցախյան պատերազմից հետո չեղարկել էր թուրքական «Բայրաքթար» անօդաչու թռչող սարքերի տեխնոլոգիայի արտահանման թույլտվությունները։ Բացի այդ, ԱՄՆ-ն պատժամիջոցներ է սահմանել թուրքական ռազմարդյունաբերական համալիրի նկատմամբ՝ ռուսական C-400 համակարգեր գնելու պատճառով։ Զենքի տարբեր մասերի մատակարարման ոչ պաշտոնական էմբարգո է սահմանել նաև Գերմանիան։
Էմմա Չոբանյան
