08.08.2026 | 10:30
Սևանա լճի մակարդակը հունվարի 1-ի համեմատ բարձր է 55 սմ-ով
Արայիկ Հարությունյանն ընդունել է Եվրոպայի ծանրամարտի ֆեդերացիայի նախագահին և գլխավոր քարտուղարին
24.03.2022 | 18:15
Վարչապետի աշխատակազմի ղեկավար Արայիկ Հարությունյանն ընդունել է Եվրոպայի ծանրամարտի ֆեդերացիայի (EWF) նախագահ Անտոնիո Կոնֆլիտիին և գլխավոր քարտուղար Միլան Միխայլովիչին․ տեղեկացնում են ՀՀ կառավարությունից։
Հանդիպմանը քննարկվել են Հայաստանում ծանրամարտի 2023 թվականի Եվրոպայի առաջնությունն անցկացնելու հնարավորություններին վերաբերող հարցեր:
Անտոնիո Կոնֆլիտին և Միլան Միխայլովիչը նշել են, որ այցելել են Երևանի Կարեն Դեմիրճյանի անվան մարզահամերգային համալիր՝ ծանոթացել ենթակառուցվածքային պայմաններին:
Արայիկ Հարությունյանն ընդգծել է, որ Հայաստանի հայտը բավարարվելու դեպքում մեր երկրի կառավարությունը կներդնի բոլոր ջանքերը՝ մրցաշարը բարձր մակարդակով կազմակերպելու և անցկացնելու համար:
Մրցաշարի անցկացման հարցը Եվրոպայի ծանրամարտի ֆեդերացիայի գործադիր կոմիտեն կքննարկի առաջիկայում:
