28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Ռուսաստանը մինչև ապրիլ երկարացրել է թռիչքների սահմանափակումը երկրի հարավում
Քաղաքականություն
24.03.2022 | 22:59
Ռուսաստանի հարավային և կենտրոնական հատվածների 11 օդանավակայաններում թռիչքների սահմանափակումը երկարացվել է մինչև ապրիլի 1-ը՝ Մոսկվայի ժամանակով 03:45-ը։ Այս մասին հայտնել է Օդային տրանսպորտի դաշնային գործակալության մամուլի ծառայությունը, գրում է RBC-ն։
Թռիչքներ չեն ընդունում Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայանները։ Գործակալությունը նշում է, որ երկրի մնացած օդանավակայաններն աշխատում են բնականոն հունով։
«Այդ օդանավակայաններ ուղևորների փոխադրումը կազմակերպելու համար ռուսական ավիաընկերություններին առաջարկվում է կազմակերպել ուղևորների փոխադրում այլընտրանքային երթուղիներով՝ օգտագործելով Սոչիի, Վոլգոգրադի, Մինվոդիի, Ստավրոպոլի և Մոսկվայի օդանավակայանները»,- խորհուրդ է տալիս ՌԴ օդային տրանսպորտի դաշնային գործակալությունը:
Տաթև Ֆռանգյան
